التهاب المفاصل
التهاب المفاصل
كقاعدة عامة فى الطب لازم تعرف ان اى عضو فى الجسد إذا إلتهب الإلتهاب هيأثر على وظايفه يعنى لو حصل إلتهاب فى الكبد الكبد بيضعف وبيكون كسلان حصل إلتهاب بالكلى قدرتها على منع البروتين مثلا انه ينزل بالبول أو تخلص الجسم من الأملاح والسموم هتقل لو حصل إلتهاب بالقلب معدش هيعرف يضخ الدم زى زمان لو حصل إلتهاب بالأعصاب ايديك ورجليك وجسمك هيتقلو وتنميل وحرقان واحساس البرد فى الحر واحساس الحر فى البرد .
إذن اذا طال الإلتهاب أى عضو فقد جزء من وظيفته أو فى بعض الأحيان كلها وتوصل لمرحلة الفشل بقا فشل كلوى فشل كبدى فشل فى القلب شلل تام وهكذا .
بتوع الباثولجى اللى هوه علم الأمراض فى الطب بيعرف الإلتهاب ب٣ صفات ورم احمرار الم يبقى ياجماعة اذا حدث التهاب بالمفاصل هيبقى عندى ايه ورم احمرار ألم بالمفصل .
أول خطوات علاج الخشونة هى وقف الإلتهاب للمريض وبغض النظر عن أسباب الإلتهاب بقا زى ماحنا هنشرح دا مستقبلا تفصيليا سواء كان روماتويد سمنة نقرص عدوى بالمفصل إلى آخره. انت محتاج توقف الإلتهاب عشان المفصل ميدمرش .
أول نبات ساحر عندنا لوقف الإلتهاب مين بقا الأخ عرقسوس العرقسوس فيه مادة فعالة بتخلى كورتيزول الجسم يشتغل أكتر زى ماتجيب عامل تشغله ١٢ ساعة بدل ٨ ساعات ولكن مينفعش مع مرضى الضغط المرتفع .
تانى نصيحة أكل ٧ أكواب سلاطة فى اليوم عشان البوتاسيوم اذا زاد قل معه الإلتهاب ولكن لو فيه ألام ابعد فى السلطة عن منتجات العائلة الباذنجانية زى البطاطس الطماطم الفلفل والباذنجان بيزودو الاحساس بالالام .
تالت نصيحة واعتبرها الأهم النهاردة الميه ياجماعة اما يكون عندك التهاب بالمفصل او الجسم عامة خمسة ليتر ميه فى اليوم كفيلة إنها تنضف جسمك من المواد اللى عاملة إلتهاب وبالتالى التخلص منه والله قزازة الميه مابتنزل من على أيدى .
شير لغيرك وقوله سلاطة كتير ميه كتير عرقسوس لو مفيش ضغط اول خطوات علاج الإلتهاب .
Comments
Post a Comment
اكتب تعليق حول الموضوع