فيروس نيباه
هل هو مميت ؟
هل هيتحول لوباء؟
وايه هي اعراضه ومده الحضانه؟
كل ده هنتكلم عليه..الموضوع بداء لما مجله جارديان Guardian اتكلمت عن خطوره الفيروس وانه بداء يظهر من اول وجديد وان العالم في انتظار جائحه جديده والموضوع زاد لما اتسجل حالات اصابه بالفعل وساعتها وسائل الاعلام والصحف ووسائل التواصل الاجتماعي بدات تتكلم عن الموضوع وكمان وجهت التهمه لصين ودي الاحداث اللي دارت اليومين اللي فاتت
ايه بقي الموضوع ؟؟
الفيروس قديم وبيتكون من single strandard rna وهو من zootonic disease اي ذو اصل حيواني اللي بينتقل من الحيوان للانسان والعكس صحيح وهو احد افراد فيروسات الحصبه كمان انه السادس من حيث الخطوره علي حسب تصنيف منظمه الصحه العالميه WHO كمان هو بيظهر وبيختفي ك outbreaks حيث من2001 و 2004 سجل حالات اصابات في الهند وبنجلادش وبعدين رجع 2007 واختفي تان وبعدين ظهر تان في 2019 وتسبب في وفيات كتيره في جنوب الهند ثم اختفي. اي اصابات محليه ليست عالميه زي اللي حاصل اليومين دول
الفيروس ظهر في قريه نيباه في ماليزيا ١٩٩٩ م خصوصا في مزارع الخنازير وساعتها كل اللي في المزرعه اتصابوا وادي ساعتها لقتل مليون خنزير وده لانه بينتقل من الانسان للحيوان والعكس صحيح وعشان كده اتسمي بالاسم ده نسبه لقريه نيباه
الفيروس مصدره من الخفافيش الفاكهه عن طريق ان الخفافيش بتتبول ع الفاكهه وبعدين الانسان بيتغذي عليها
طب هل هو فعلا حقيقي ومتواجد وليه الصين بتنفي الكلام؟
اه الفيروس متواجد والصين بتنفي الكلام ردا ع اتهام الكل لها بانها مصدر الوباء وليس اكتر
طب هل هو ممكن يتحول لوباء ؟
ممكن ومش ممكن ..ازاي مش فاهم؟
مش ممكن لان بيختلف عن الكورونا في ال transabillity وسرعه الانتشار بمعني انه غير سريع الانتشار عكس كورونا و لازم يبقي في close contact عشان الفيروس يتنقل زي مثلا ممكن يتنقل من المعالج او الطبيب الي المريض والعكس او بين فرد مصاب واسرته وهكذا لازم يبقي فيه اتصال مباشر من الاخر
ممكن بقي لو حصل تمحور للفيروس وده احتمال وارد لانه زي ماقولت فوق بيتكون من rna زي الكورونا كده ممكن يتحول لوباء
هل هو مميت فعلا ؟
اه طبعا مميت والفيروس ممكن تنتج عنه نسبه وفيات تتراوح مابين 40 % ل 80% ده غير ان المريض بيتوفي بعد الاصابه بايام معدوده لكن زي ماقولت هو لحد هذه اللحظه انتشاره محلي فقط
وبرتوكول العلاج يببقي بناء علي ال symptoms اي الاعراض بتاعت المريض زي الكورونا كده
ولكن شركه موديرنا بتحاول فعلا و بدات تشتغل علي الموضوع وتحاول تدور علي لقاح
طب ايه هي الاعراض ومده الحضانه ؟
□مشكلات تنفسية
□التهاب وانتفاخ في الدماغ
□ألم في العضلات
□ الشعور بالدوار
□وممكن يدخل المريض في غيبوبة خلال مدة بين 24 و48 ساعة ودي في الحالات المتقدمه
وبالنسبه لفتره الحضانه بيرجح العلماء أن تكون فترة حضانة الفيروس بين 4 و14 يوما، لكن بعض التقارير رصدت فترة حضانة أطول في بعض الحالات وصلت إلى 45 يوما.
كل اللي علينا نظل ملتزمين بالاجراءت الاحترازيه
