الصادات الحيوية هي الأدوية الموجهة للقضاء على الجراثيم

 الصادات الحيوية هي الأدوية الموجهة للقضاء على الجراثيم.

 كتصنيف عام في نوعين من الصادات..

  إما  قاتلة للجراثيم Bactericidal   هي بتقضي على الجراثيم ( مبيدة ) 

 أو  مثبطة للجراثيم Bacteriostatic و هي بتوقف النمو الجرثومي   بأنها بتتداخل مع عمليات نمو الجراثيم متل تركيب البروتين أو تركيب الجدار و بتترك للجهاز المناعي مهمة مهاجمة الجراثيم و القضاء عليها بعد إضعافها  

من هاد الحكي   فينا نستنتج شي كتير مهم و أساسي.. أنو الأشخاص المصابين بأمراض نقص مناعة ما بصير نعطيهن صادات مثبطة للنمو الجرثومي  لأنو أساساً جهازهن المناعي ضعيف و ما فيه يقوم بمهمتو  

 منبدأ مع أول زمرة من الصادات و هي  صادات البيتالاكتام و رح نحكي أهم المعلومات عنها  

  بيندرج تحت زمرة البيتالاكتام ( بنسلينات، سيفالوسبورينات، كاربابينيمات، مونوباكتام ) 

 البنسلينات : هي صادات واسعة الطيف بتثبط تركيب الجدار الخلوي للجرثوم و بالتالي هي قاتلة للجراثيم  

هي أول الصادات المكتشفة.. تم اشتقاقها من مصدر طبيعي هو فطر البنسليوم   و بعدين صار يتم التعديل عليها و صار عندنا بنسلينات نصف صنعية بعدين صنعية بالكامل.

 أول البنسلينات هو البنسلين G ( بنزيل بنسلين ) بينعطى حقناً بس  

 بإجراء بعض التعديلات ع البنزيل بنسلين صار عندنا ⬅البنسلين V اللي بينعطى فموياً  

 أشهر أنواع البنسلينات اللي أكيد كلنا سمعانين فيها و أخدناها كتير..

  أمبيسلين ( سمعتكن عم تقولوا هي الحبة الحمرا و السودا   أيوا هي تماماً  ) امتصاصو قبل الطعام بكون أفضل. 

  أموكسيسيللين ( الحبة اللي لونها أصفر و بني  ) فينا ناخدها قبل أو بعد الأكل لأنو امتصاصو ما بيتأثر بوجود الطعام 

   فعالة بالإصابات التنفسية و التهاب الحنجرة، التهاب الأذن الوسطى 

   كمان شي مهم و مميز فيها أنها تستخدم وقائياً.. بيوصفها طبيب الأسنان لمرضى الصمامات القلبية قبل ما يعمللهن جراحة  

و أكيد كلنا سمعانين بالمشاركة الأشهر من نار على علم.. أموكسيسيلين مع حمض كلافولونيك ( أوغمانتين، أوغماسيل...)

  ما بتوصل للبروستات و لا للعظم.. لهيك ما فينا نستخدمها بإنتانات هي المناطق  

  من أهم تداخلاتها.. بتتداخل مع البروبنسيد ( من أدوية النقرس و هو طارح لحمض البول ) إذا أخدناهن مع بعض رح يتنافسوا على الإطراح و يقل إطراح البنسلين فبزيد مستواه بالدم 

  رغم أنو البنسلينات سميتها قليلة بس الها بعض التأثيرات الجانبية.. فرط حساسية، شري، إسهال، و ممكن بشكل أقل حدوثاً أنها تسبب سمية عصبية و سمية دموية..

بصراحة علم الأدوية بحر من المعلومات حاولت أختصر و ركز على أهم الأفكار.. ما مننسى ننوه أنو الصادات الحيوية