مرض السكري

  اهم الامور الي نلتزم بيها كمرضى السكري حتى ما نتعرض ل اي من مضاعفات مرض السكري ونعيش حياة صحية هي:

١- الالتزام بالعلاج الموصوف من قبل  الطبيب حصراً (اختصاصي السكري والغدد الصم). والتعليمات المقدمة من قبل الصيدلي بخصوص العلاج وكيفيه اخذه سواء كان حبوب او حقن الانسولين وغيرها.

٢- مراقبه السكر باستمرار ولازم نعرف انو مستوى السكر بالدم يكون بين ٩٠ - ١٢٥ قبل الاكل

و اقل من ١٨٠ بعد الاكل بساعه او ساعتين، اي زياده عن هذا المقياس راح تدخلنه في مشاكل ولا توجد استثناءات او اختلافات من شخص لآخر مثل ما البعض يظن.

  نصيحة مهمة انو نشتري  جهاز قياس للسكر يكون ويانه بكل مكان لغرض مراقبة مستوى السكر بالدم.

٣- مراقبة دهون الدم مرة واحدة بالسنه ..

هو فحص دم بسيط جداً تسوي بالمختبر ولو مرة سنوياً لتجنب ارتفاع الدهون بالدم .. 

 ارتفاع الدهون اله اثر كلش سلبي على القلب والجسم خاصه مع وجود مرض السكر .

٤- النشاط ثم النشاط ثم النشاط

خليك نشيط و حافظ على الحركة والنشاط خلال اليوم ..

  مهم جدااا انو تخصص نصف ساعه للمشي او الهرولة او التمارين السويدية اوي اي نوع من التمرين   هذا الشي راح يساعد جداً على استجابه الجسم للعلاج و يقلل من الامراض بصورة عامة و من مضاعفات السكري بصورة خاصة.

٥- المحافظة على  وزن صحي ومثالي لان كلما زاد الوزن زادت مقاومة مرض السكر للعلاج وزادت مشاكله .. 

 ممكن تسالوني عن الوزن المثالي وكيفيه الوصول اله بطرق صحية.

٦- التوقف عن  التدخين  

وحدة من اخطر الاسباب لامراض القلب وتصلب الشرايين بالنسبه لمرضى السكر وبالنسبه للمدخنين عامةً هو التدخين !

٧- اتباع  نظام غذائي صحي  للمحافظة على مستوى سكر ثابت في الدم يحتوي على الكثير من الخضار والحبوب الكاملة والمكسرات باعتدال والبروتينات قليلة الكولسترول  وهذا الشي راح نناقشه بالتفاصيل ببوست اخر.. 

٨-  العنايه بالقدمين وغسلهم وتنشيفهم وتعقيمهم في حال وجود اي جرح وتجنب الاحذية الضيقة لتجنب مشاكل قدم السكري .

٩- مراجعة الطبيب المختص بالسكري على الاقل مرتين بالسنه حتى نسوي الفحوصات والتحاليل  اللازمة.

  اي اسألة بخصوص العلاج والتحاليل والتغذية والوزن المثالي ممكن تسألوني وحاضر للاجابة في اي وقت