صلاحية الأدوية بعد فتحها

1- جميع أشربة المضادات الحيويه الجافة صلاحيتها بتستمر فترة من أسبوع الى أسبوعين بعد تحليلها حسب التخزين بره أو جوه الثلاجه.

صلاحيتها بعد ما تتحلل أسبوع خارج الثلاجه وأسبوعين جوه التلاجه

بس الكلام ده مايتطبقش على Augmentin

وكل اللى زيه curam, emoxclav, hibiotic,

‏magnab iotic deltaclav, megamox

لإنهم بعد ما يتحلوا لازم يفضلوا فى التلاجة طول الوقت

علشان كده لازم نقول للمريض وهو بيصرفه إنه لازم يحفظه فى التلاجة طول فترة الاستخدام

2- الحبوب والكبسولات اللى بتيجى فى زجاج أو علب بلاستيك وفيها حبوب 

صالحة ل ٦ شهور من مدة الفتح 

إنما الحبوب اللى بتيجى كل قرص مغلف لوحده 

لا تفسد

3- الحبوب الفوارة اللى موجوده فى  علب 

صالحة لمدة شهر واحد بعد فتح العلبة

4- الأدوية السائلة اللى هى شراب زى أدوية الكحة أو أشربة الأطفال

صالحة ل ٦ شهور بعد الفتح

5- المضادات الحيوية السائلة بتفضل أسبوع أو إسبوعين بعد الفتح على حسب نوع المضاد 

6- القطرات غالبيتها يفسد فى خلال شهر لكن قطرات العيون تفسد بين إسبوعين ل 3 أسابيع

7- قطرة الكلورامفنيكول تنتهى صلاحيتها بعد 21 يوم من فتحها.

8- فلكسونيز بخاخ تنتهى صلاحيتها بعد 3 شهور من فتحها.

9- برومودرين شراب تنتهى صلاحيتها بعد 10 أيام من تحليلها.

10- جاست ريج شراب تنتهى صلاحيتها بعد شهر من تحليلها.

11- الأدوية المعلقة ومكتوب عليها معلق تنتهى صلاحيتها من 3 إلى 4 أسابيع

12- محاليل العدسات بتفسد بعد فتحها بثلاثة شهور.

13- ممنوع إستخدام القطرات العينية أيا كانت بعد فتحها بـ 15-21 يوم 

و ده بسبب إمكانية نمو بعض الميكروبات بعد مضى هذه الفترة (رغم احتوائها على البنزالكونيوم )

14-فيال الأنسولين تنتهى صلاحيته بعد ٢٨ يوم من الفتح أو لو حصل تغيير لونه

15-بالنسبة لأي syrup (دواء شرب سائل )لو ظهر فيه أى رائحة غريبة أو تغير لونه أو ظهرت فيه تعكر turbidity يتوقف إستخدام الدواء

16- المراهم الجلدية من شهر لشهرين ومراهم العين شهر واحد فقط

17- الحقن من نوع البنسللين والأموكسسلين تتاخد فورا بمجرد حلها بالمذيب

18- الحديد و الفيتامينات المحتوية على الحديد بيغمق لونها للبنى الغامق فى أول أسبوع و تظل صالحة من ٣ إلى ٤ أسابيع ومثلها فيدروب تظل صالحة لمدة شهر