مريض 50 سنة ومن هو برة العيادة انا سامع كحة فظيعة لا تنقطع

اول باب العيادة اتفتح للاسف رجل ياعيني مش قادر يمشي خطوتين وابنه سانده عشان يعرف يتحرك يادوب 3 متر

اول ما يادوب يوصل سرير الكشف وبينام مخنوق جدا وميتحملش 10 ثواني علي ضهره وقام بسرعة

التاريخ المرضي :

بيتعالج من سنتين علي انه مريض حساية صدر والكحة مبتخفش

من اسبوعين تعب جدا واتحجز في مستشفي عام واكتشفوا انه مريض ضعف في عضلة القلب

وللاسف اثرت عليه لدرجة ان الكلي توقفت عن العمل وغسل كلي اكتر من مرة

الكشف الطبي :

الضغط 100/70

النبض 130

نسبة الاكسجين 93 %

تورم خفيف في القدمين

احتقان شديد في عروق الرقبة

صوت القلب فيه ارتجاع شديد علي اكتر من صمام

رسم القلب :

ضربات قلب سريعة جدا 130 ضربة في الدقيقة

طلبنا عمل ايكو موجات صوتية علي القلب النتيجة كانت

ضعف شديد في عضلة القلب الكفاءة نزلت ل 20 في المية

مع ارتجاع شديد علي الصمامين المترالي وثلاثي الشرفات

بدانا كورس علاج مكثف تقريبا وصلنا ل 12 نوع من الادوية

بعد 72 ساعة الحمد لله

المريض داخل العيادة مش مسنود وابنه ماشي جنبه

مفيش صوت كحة قبل ما يدخل

تحسن شامل في كل الاعراض الحيوية

ضغط 120/80

نبض 80

مفيش تورم خالص

العيان نام علي ضهره طول فترة الكشف

وبيقول ان دى اول ليلة ينام من كام شهر

الرسالة :

طول مانت مرتاحتش علي علاج دور علي تشخيص تاني

اي نهجان او تورم في قدمين او ضعف في المجهود يبقي لازم كشف قلب