التهاب الكبد الوبائي

التهاب الكبد الوبائي 

#النوع_الاول

هاد النوع هو اكتر نوع انتشار ويسبب حوالي 50٪ من حالات التهاب الكبد الوبائي يسببه فيروس وذي ماعارفين الفيروس عبارة عن حمض نووي مغلف بي بروتين نوع الحمض النووي هنا هو RNA وبنتقل لينا عن طريق الاكل والشرب الملوث به 😱 وممكن ينتقل عن طريق العلاقات الجنسية بس نسبة انتقاله بسيطة 😔 

طيب هو بعمل شنو 🙄

بعد ما يخش الفيروس الجسم وبي النسبة اللي تسمح ليه بالهجوم بمشي للامعاء ووبداء يتكاثر 😢 طبعا الفيروسات بتستخدم الخلية كالة لتصنيع ابناءها لانها مابتقدر تتكاثر 😒 يلا بما انو بتكاثر في الامعاء ح يكون موجود في stool (الفصحة ) وكدا ح ينتقل لو كان عادتنا الصحية خاطئة ح تتلوث المياه بيه و المرض ح ينتشر 😭 

طيب هو بتكاثر في الامعاء دخلوا بالكبد شنو 🤔

هو بتكاثر في الامعاء ك بداية وبعدين بنتقل للكبد وببدا يتكاثر فيها وهو طبعا ما من النوع العندو ذوق الحاجة اللي يستخدمها بخربها اشان مافي حدا يستفيد منها 😡 يلا كدا خلايا الكبد ماتت 😢 والكبد بشتغل اكتر من 60٪ من وظائف الجسم 😰

العملية دي بتاخد كم 😨 وبحس بي شنو 😥

من 10_50 يوم من دخول الفيروس الجسم 😢 والاعراض كالاتي حمى 🤒 ضيق في التنفس او شحوب 😷 عدم قابلية للاكل😓 الم اعلى يمين المعدة 😣 وخلال كم يوم يتغير لون البول ويصبح غامق جدا والفصحة تصير ذي شكل الطين ولونه وبعد كم يوم من ظهور الاعراض دي بظهر يرقان وهو زي ماذكرنا سابقا زيادة المادة الصفراء في الجسم 😣 وبعدين بحصل دمج لخلايا الكبد وتموت خالص 😕😐

كل الناس بتظهر عليهم الاعراض دي 😳

لا في ناس المرض بكون عندهم صامت من غير اعراض الى ان يصل المرحلة الاخيرة وديل نادرين 

طيب العلاج والوقاية منو كيف 🙄✋

للاسف 😔 مافي ليه اي علاج للان بس وقاية وتدابير عامة لدعم المريض تشمل التغذية الكافية والراحة وللوقاية تجنب التعرض للغذاء أو المياه الملوثة دي تدابير هامة للحد من خطر الإصابة بالتهاب الكبد الوبائي 😉

طيب آخر سؤال 😁 هو ممكن ينتقل بالدم ؟ 

لا مابنتقل خالص بالدم داك النوع الثاني دا طريقة انتقاله الاكل العلاقات الجنسية بس 😊

#نصحية 

ابقوا ع نفسكم عشرة واهم شي الاكل والشرب الصحي والنظيف🍵🍶🍊 اتاكد انك ما تصاب وحافظ ع نفسك لانو ما ليه علاج