التسنين عند الأطفال

 

 التسنين عند الأطفال : 

هالموضوع أغلبنا بيعرفو   بقا الي بهمني هو انو نركز عالأسماء التجارية و العيارات 

أولاً : التشخيص : 

• فقدان الشهية و كثرة البكاء 

• ارتفاع بدرجة الحرارة  

• انتفاخ اللثة ، و فينا نلاحظ بسهولة بزوغ الأسنان الأمامية

• شعور البيبي بالألم   لهيك رح يحط ايدو بتمو كمحاولة لتسكين الألم مع سيلان اللعاب بكثرة 

• ممكن نلاحظ حدوث اسهال .. و خصوصي اذا صار التسنين بالصيف   

ثانياً : العلاج : 

عندي 4 نقط هامة 

مضاد وذمة :

 

- حكينا أنو رح تنتفخ اللثة ، لهيك من الضروري أنو نستعمل جل مضاد للوذمة و مسكن للألم . 

- تدلك اللثة من 4 ل 6 مرات باليوم ، من الأمثلة منلاقي : 

  Primadent : 

مستحضر طبيعي من لب التمر الهندي . 

خافض حرارة و مسكن ألم : 

 

أفضل شي نعطي باراسيتامول ، بس هون لازم ننتبه لشغلة هامة و الي هيي  عمر البيبي .. يعني : 

  اذا كان عمرو أقل من سنة ما منقدر نعطي غير نقط فموية حصراً   بتجي عيار 100m.g / ml : 

  Tempra .. يونيفارما

  Paradrin .. ابن زهر 

  Baby gesic .. سيتي فارما

- استيعاب ممص النقط بيجي ع طول ml 1  

- فينا نعطي تحاميل عيار 125 m.g اذا ما في اسهال  

  اذا كان عمرو من سنة لسنتين ، هون مو مشكلة اذا منرفع العيار ل 120m.g / 5ml او 160m.g / 5ml و منعطي شراب : 

  Paradrin .. ابن زهر 

  Paracetamol .. أفاميا

  Tempra .. يونيفارما

  ما منقرب عالشراب الي عيارو 200m.g/5ml الا بس يكون عمر الطفل أكتر من سنتين .. هيك أحسن من ناحية الأمان  

  Ben U Ron .. ابن زهر 

 ملاحظة هااااامة : 

 اعطاء  البروفن بهي الحالة و البيبي عمرو تقريباً شي سنة أمر ما كتير مرغوب ، و السبب أنو معدة البيبي لسا ضعيفة و ماعندو مناعة فممكن يسببلو قرحة   و حتى ممكن يسببلو تشنج قصبي اذا كان عم يعاني من ربو تحسسي مثلاً و الأهل مو حاسين علي .

 غالباً ببلش التسنين و البيبي عمرو أقل من سنة ، بس فصلت شوي بالحكي عالباراسيتامول أنو ليكون عنا فكرة بشكل عام و في حال تأخر التسنين  

مضاد اسهال : 

 

مو شرط انو يصير معو اسهال ، بس في حال صار و خصوصي بالصيف ممكن اعطي أي دواء تركيبو Nifuroxazide : 

  Enterofuryl .. فارماسير 

أو أي دواء تاني بيدخل بتركيبو Kaolinpictin : 

  Picta .. شهبا 

  Pictakao .. للمتوسط 

هلق ماعد في منن .. بس مادة الكاولينبكتين الي حكينا عنا نفسا منلاقيا بالموز  

آخر شي العضّاضة :

 

بكون فيها مي كمان   و الأفضل نحطا بالبراد شوي قبل ما نعطي ياها و هيك بيرتاح اكتر و بيخف وجعو