الاتنين فيهم نفس المادة الفعالة ونفس التركيز وإلهم نفس الاستخدام واللي هو التخفيف من الأعراض المرافقة لمرض تضخم البروستات الحميد اللي أهمها صعوبة بالتبول ..
أما الفرق :
بالشكل وطريقة التصنيع ف #omnic_ocas بكون على شكل حبوب وبخاصية تضمن إنه يضل يمتص الدوا منها بنفس التركيز و لوقت طويل
وبهالخاصية زادت الفعالية المطلوبة وقللت من الاثار الجانبية
وكمان ocas ما بفرق إذا اتاخدت الحبة قبل أو بعد الأكل ( بس الأفضل إنه يلتزم كل يوم بوقت محدد لتناول الحبة ) ،، أما كبسولة omnic فلازم المريض يتناولها بعد وجبة الفطور أو بعد أول وجبة بتناولها المريض في اليوم
ممكن يلاحظ المريض اللي بتناول omnic ocas أحيانا إنه في بقايا من الدوا في البراز، بس هاد الإشي ما بخوف وما بعني إنه ما استفاد تماما من الدوا… لإنه بكون طلعت منه كل المادة الفعالة قبلا يخرج مع البراز
No comments:
Post a Comment
اكتب تعليق حول الموضوع