خلي بالك أن مش بس الأدوية بتتفاعل مع بعضها لأ ده كمان فيه بعض الأكلات أو المشروبات

 اللي ممكن تأثر على امتصاص وفاعلية الدواء ويا ميجبش نتيجة خالص يا يجيب نتيجة عكسية نتيجة زيادة تركيزه ف الدم وهديك بعض الأمثلة المشهورة

1) دواء السينيمت أو الليفوكار اللي بيستخدم لعلاج الشلل الرعاش مينفعش يتاخد بعد أكل البروتين زي اللحوم أو الدواجن أو الأسماك لأن ده بيقلل امتصاصه ويقلل فعاليته

2) دواء زي tetracid أو vibramycin ميتخدتش بعد شرب الألبان أو منتجاتها  لأنه هيمسك ف الكالسيوم وتقل فعاليته

3) دواء زي البنادول أو اي باراسيتامول مينفعش تاكل قبله ولا بعده أي فاكهة فيها مادة البكتين ومن أشهرها التفاح لأنه هيقل امتصاصه 

4) دواء زي الماريفان بتاع السيولة مينفعش يتاخد مع أكل بيتحتوي على كميات من فيتامين K زي البروكلي  والخس والجرجير والكرنب والكيوي  والسبانخ  لأنه هيعاكس تأثيره ويقلله

5) الأدوية اللي بتحتوي على مادة theophylline موسع للشعب زي Quibron الكيبرون... بيزيد امتصاصه بعد الاكلات الغنية بالدهون زي مثلا اللحوم ... او المكسرات 🥜أو الالبان كاملة الدسم   وبيقل امتصاصه مع الاكلات الغنية بالكربوهيدرات زي الرز والعيش  والمكرونة

6) المضادات الحيوية زي ciprofloxacin و tavacin و tavanic متخدتش مع اي منتجات ألبان برضه لأن امتصاصها بيقل