علم Interpretation علــــم تفسير النتـــائج

 

دة واحد من اصعب العلوم  اللى هتقابلك فى شغل التحاليل ودة علم مش سهل ودة صميم شغلك .

شغل المعمل بتقسم لاكثر من شق 

الشق الاول وهو استقبال الحالة وانك تاخد التاريخ المرضى وبعد كدا تسحب العينات 

الشق الثانى وهو انك تشتغل التحاليل المطلوبة للحالة 

اما الشق الثالث وهو انك تعمل Interpretation  للنتيجة ودة الاصعب 

هتسمع ناس تقولك دة مش شغلنا لو انت اكتفيت بانك تشتغل وتطلع نتائج بس كدا انت مش اخصائى تحاليل انت مفيش فرق بينك وبين ان انسان اخدناه علمناه ازاى يشتغل وخلاص وعشان كدا انت دورك مستمر لحد ما تطلع النتيجة وتوصل بيها للتشخيص الاولى 

وتعالا اقولك مثال بسيط انا فى المزارع  بشخص المرض + بظلع العلاج للمريض كمان ( هل دة معناه انى تعديت على الطبيب ) طبعا لا ولكن التشخيص عندى كان اولى انى طلعت ليك اكثر من نوع مضاد حيوى وحضرتك تقدر تختار الافضل .

شكل تانى للتفسير وهو تغير مسار العلاج للطبيب 

مثال بشرحه ديما مريض داخل المعمل وشكلوا قدامك كويس عاوز تحليل كاليسوم وجيت انا عملت الكالسيوم لقيتة قليل روحت عملت ( البيومين ) لقيت الالبيومين قليل روحت انت مطبق معادلة التصحيح فلقيت الكالسيوم طبيعى تعالا افهمك نقطة فى غاية الخطورة 

انت هنا حولت مسار الحالة نهائى من انها هتاخد علاج كالسيوم لانها هتشوف الكبد وهتبدء تعالج مشكلتة هنا دة اسمهInterpretation  هتقولى بس دة مش دورى دة دور الطبيب المعالج هقولك المعمل تشخيص اولى للحالة ثم يأتى دور الطبيب ثم يأتى دور الصيدلى فان الطبيب يكتب العلاج والصيدلى يحدد الجرعات ولو فى علاج مخالف بيغيرة وبيناقش الطبيب فى دة فيما يعرف باسم الصيدلة الاكلينكية يبقى المنظومة واحدة 

تعالا نشوف مثال تانى وهى الحالة بتعمل ترسيب فقط ولقيته عالى جيت عملت معادلة التصحيح ولقيت الترسيب طبيعى هنا معناه ان المشكلة ليست فى الالتهابات ولكن مشكلة فى كرات الدم الحمراء بسبب قلتها نتيجة للانيميا وبالتالى الارتفاع كان ناتج عن انيميا وليس عن التهاب ودة انا وضحته كتير 

هتقولى افرض مش مطلوب معاها صورة دم عشان اعرف هيماتوكريت هقولك مطلوب منك كمعمل تعمل دة تسحب عينة اخرى لصورة الدم وتعمل التصحيح للنتيجة وتطلعها 

ممكن يكون عندك Severe Anemia  وفى الحالة دى هتلاقى ESR  عالية جدا طيب لو انت معملتش التصحيح هتخلى دماغى تلف وشوف فى ريماتويد او اى مصيبة بترفع سرعة الترسيب يبقى انت فى الحالة دى عملت تشخيص اولى للحالة وفدت الدكتور 

وفدت المريض ودة دور المعمل 

تعالا اقولك نقطة اخيرة معادلات التصحيح ليها نسب معينة بنعملها يعنى مش اى انيميا نعملها تصحيح لسرعة ترسيب ومش اى انخفاض لنسبة الالبيومين نعمل تصحيح للالبيومين ولكن دة معملومة بدرسات ونسب معينة 

وزى ما قولتلك دة دور اخصائى التحاليل 

احنا كمنظومة طبية عندا Team Work  اللى الهدف الاسمى ليه هو الشفاء التام للمريض 

لو حابب تقتصر نفسك على انك تكون مجرد انسان بيطعل نتائج وخلاص فدة اكيد يرجعلك 

لكن انك تكون راجل تقدر تعمل Interpretation  فدة شئ عظيم 

اتمنى تكون الرسالة وصلت