كلنا متفقين ان السرنجة بتعدي من الجلد وبعدين الطبقة الدهنية لحد ما توصل للعضلة
#طب اي الفرق بين سرنجة الكبار و الاطفال ؟
الفرق هو طول السن اللي ملهوش علاقة بالالم اصلا يعني طول السن في سرنجة الكبار اطول من طول السن بتاع سرنجة الاطفال و الالم اللي بتسببه سرنجة 3سم للكبار هو نفس الالم اللي بتسببه سرنجة 3سم للاطفال
خدبالك ان قطر السرنجة 3سم للكبار هو نفس قطر سرنجة 3 سم للاطفال بس الاختلاف ان طول السن في سرنجة الكبار اطول من طول السن بتاع سرنجة الاطفال
#طب اي اللي بيسبب الالم ؟
اللي بيسبب الم فعلا هو قطر السن يعني سرنجة 5 سم بتسبب الم اكبر لان قطر السن اكبر وسرنجة 10 سم بتسبب الم اكبر من سرنجة 3سم لان قطر السن اكبر من قطر سن سرنجة 5 سم
عشان كده سرنجة الاطفال متنفعش للكبار عشان طول السن للكبار اطول من طول السن للاطفال وبالتالي لما تيجي تدي حقنة للكبار بسرنجة اطفال هتسبب ان سن السرنجة مش هيوصل للعضلة والدواء هيتحقن في الطبقة الدهنية وبالتالي مش هيوصل للدم وتسبب تورم في مكان الحقن ولو عطيت حقنة بسرنجة كبار لطفل هيحصل ان السن هيعدي من العضلة ويوصل للعظم وممكن السن يتكسر او يتني او يحصل مشاكل تانية
ولكن
الكبار اللي عندهم درجة كبيرة من النحافة نعطي بسرنجة اطفال
الاطفال اللي عندهم درجة كبيرة من السمنه نعطي بسرنجة كبار
No comments:
Post a Comment
اكتب تعليق حول الموضوع