مستقبل اطفال التوحد؟

 مستقبل اطفال التوحد؟

..

اذا كان الطفل عنده قدره للتعبير عن نفسه و عن احتياجاته و قدراته الذهنية زينه و أخذ فرصته الكافيه في العلاج المبكر والمكثف و حصل على الدعم اللي يحتاجه من أهله ومن مدرسته و من المجتمع..ممكن انه يعيش حَياة " طبيعية"..

ففي اطفال دخلوا مدارس واندمجوا مع أقرانهم مع المساعده على حسب حالة الطفل .. و في بعضهم قادرين على العمل و يعتمدون على نفسهم .. ولما يكبرون و يتزوجون و يشتغلون..

.

، ومن جهة ثانيه في اطفال يحتاجون مساعدة غيرهم في أمور الحياه و ما يقدرون يعتمدون على نفسهم وتكون حاجتهم للمساعده متفاوتة من الحاجة للمساعدة البسيطة إلى الاعتماد الكلي على الغير.. مستقبل الأطفال اللي عندهم اضطراب طيف التوحد مختلف مثل اختلاف ألوان الطيف..و مستقبل الطفل يعتمد على وايد عوامل ..منها:

.

١-قدرات الطفل اللغوية والذهنية:

فالطفل اللي يتكلم وقادر يعبر عن نفسه و الطفل اللي قدراته الذهنية عاليه.. تكون استجابته للتدخل المبكر أفضل، وبالتالي ففرصته للتطور و اكتساب مهارات للاندماج بالمجتمع أسهل.. ـ٢-التدخل المبكر والمكثف:

كلما بدء التدخل بالبرامج والتدريبات العلاجية في عمر مبكر وبشكل مكثف ..راح تكون الاستفادة أكثر ..

.

ـ٣- الدعم و التقبل من الأسرة والمدرسة والمجتمع:

كلما زاد الدعم والتفهم من الأهل و الناس المحيطين بالطفل ومن المجتمع كلما كان مستقبل هؤلاء الأطفال أفضل وفرص اندماجهم بالمجتمع أكثر... فزيادة الوعي باضطراب طيف التوحد مع توفير الخدمات اللازمة لهم من العوامل المهمة اللي تاثر على مستقبل الطفل..وهذي نقطه جدا مهمه و أحب ااكد ان اذا الام والأب تقبلوا ان طفلهم عنده تاخر و اقتنعوا انهم يبدون بالتدخل مبجر ..و صبروا و ثابروا..راح يلقون نتيجه باْذن الله.. اما اذا احد من الوالدين مو متقبِّل ان طفله عنده تأخر و مو راضي يبدي التدخل.. راح يضيع فرصه التدخل المبكر..

.

و من الطبيعي ان في بعض من الأهل ما يتقبلون التشخيص في البدايه و يمرون في مرحلة " نكران" وجود اي تاخر في طفلهم.. بس عادةً هذي المرحلة ما تطول .. ويبدون الأهل يتقبلون اختلاف طفلهم و يوقفون معاه و يساعدونه انه يتطور..

.

و نصيحه لكل أسره عندها طفل متأخر..لا تلومون الأهل وتقولون كله من الام او من الاب..ومو كل يوم يزورونكم تسألوهم ليش ولدكم متاخر..محد يدري ليش..بس كلنا ندري ان هذا طفلهم و اذا كان متاخر فأهم مو السبب.. هم محتاجين لوقفتكم معاهم مو عليهم..فهذا طفلهم نحبه و نتعامل معاه مثل اي طفل ثاني