40 نصيحه لاطفالنا

 40 نصيحه لاطفالنا  

1_ متحميش ابنك عمال علي بطال خلي الحموم عند اللزوم

2_ الحموم يكون بالليل وينام ميخرجش بعديها  

3_ ابنك اللي بيروح الحضانه او المدرسه لازم تلبسيه بكم ولو قطعه وحده وزودي بعد كده براحتك او حسب الجو عندك 

4_ شرب الميه قبل الخروج من البيت دا شئ اساسي الصبح او بالليل  

5_ السوايل الدافيه ثم السوايل الدافيه ثم السوايل الدافيه 

6_ الطفل وهو نايم بالليل يلبس لبس كامل وتقيل لانه مش بيتغطي ولو اتغطي بيكشف الغطي

7_ غسيل الوجه واليدين  بميه من الحنفيه يوميا قبل الخروج من البيت الصبح او بالليل 

8_تهويه المنزل يوميا  في الوقت من 10 صباحا الي 1 ظهرا 

علشان نجدد هوا البيت ننقي الجو ندخل هوا نضيف 

9_  اسواء اختراع اخترعوه هو الدفايه حاجه استغفر الله العظيم

10_ لو في حد في البيت بيدخن ياريت يدخن بره البيت واول مايدخل يغير هدومه وياخد دش لان الدخان ليه اثر سلبي علي كل الاطفال 

11_ متحميش ابنك وحياه اغلي حاجه عندك كفايه مرتين في الاسبوع فى الجو البرد

12_ الموز والتفاح بيقوو المناعه كترو منهم للاطفال في الشتاء 

13_ الكمثري والبلح كلهم فيتامين سي وحديد يقوو دم ابنك ويزودو مناعته 

14_ معلقه عسل نحل علي معلقه زيت زيتون علي علبه زبادي يوميا تقوي المناعه وتفتح النفس علي الاكل 

15_ لو انتشرت عدوي في الجو قعدي ابنك من المدرسه مش تستني لما يتعدي 

16_ لو ابنك تعب اتقي ربنا في ولاد الناس وقعديه من المدرسه علشان ميعديش حد 

17_ لو الجو برد شديد اوي وفيه مطره ابنك مش الثانويه يعني قعديه من المدرسه عادي خالص

18_ يلا نحضن بعض وندفي بعض ونفسنا في وش بعض علشان نعدي بعض ونحقق تكافل اجتماعي بلاش منها لمصلحتكو اولا 

19_ ابنك عنده حساسيه او معندوش حساسيه بلاش يلبس صوف او يلعب بلعب الدباديب والحاجات اللي بتعبي تراب علشان متكتمش نفسه 

20_ الموضه اليومين دول كل واحد مربي قطه بفرو الحلوه دي في البيت ونايمه معاهم واكله وشاربه معاهم  انا بقول نربي عيالنا احسن 

21_ ابنك اللي اقل من5 سنين ميروحش الحضانه غير في الايام اللي الجو فيه كويس 

22_  اكل طازه كل يوم وبلاش كسل ( شوربه الخضار _ شوربه العدس مفيده جدا في البرد 

23_ بلاش تودي ابنك الحضانه لو هو لسة عندة سنتين أو ثلاث سنين لو الجو برد. اساسا اقعدي وعلميه في البيت ابنك بردو مش غريب 

24_ لو بتلبسي ابنك قطعه وحده او بتلبسيه 100 قطعه زي مايقلع يلبس يعني زي قلع 4 يلبس زيهم 4 مثلا يعني 

25_ لما تحبي ترضعي ابنك مش تاخديه في جو بردو وترضعيه لازم ترضعيه في مكان دافي ليه ؟

لان الطفل لو في مكان برد هيبقي زوره بارد واللبن بطبعه هينزل سخن يبقي سخن علي بارد نشاط للبكتريا والفيروسات 

26_ طبعا نظافه صدرك  قبل كل رضعه علشان الميكروبات والفطريات 

27_ العشاء لكل العيله يكون خفيف جبنه وعيش ومربي بلاش محشي في العشا ولما الواد يرجع نقول من ايه؟

28_ متحميش ابنك ابوس علي ايدك من غير سبب بلاش البرستيج اللي هيودينا في داهيه 

29_ فيتامين سي وفيتامين ا جامدين في الشتا وبيزودو المناعه جدا وبالدراسه وبالخبره وملهومش اضرار 

30_ معظم التهابات الشتاء فيروسيه مش بكتريا بلاش تجري وتدي مضاد حيوي عمال علي بطال

31_ رشح وعطس مضاد للحساسيه وسوايل دافيه زي زيرتك وفنستيل وتلفاست وكلارتين واخواتهم

32_ حساسيه انف بخاخه نازونكس او فلكسينوز ومضاد للحساسيه 

33_ التهاب حلق متكرر ولوز برونكوفاكسيوم لمده 3 شهور اول 10 ايام من كل شهر 

34_ حساسيه صدر 

بخاخه فلكسوتيد + جلسات + ادويه الحساسيه 

ومتابعه مع دكتور بيفهم وشاطر 

  ارجعى لطبيبك قبل إعطاء أي دواء 

35_ ترجيع مستمر ادي دانست امبول وريح المعده ساعه بدون اكل او رضاعه  جرعته سم لكل 13 كيلو كل 12 ساعه 

36_ متحميش ابنك كتير من فضلك 

37_ نزله شعبيه او التهاب رئوي لنتحجز في مستشفي ياعند دكتور ياما نجيب جهاز الجلسات في البيت 

38_ متستخسرش في طفلك تحليل او اشعه تثبت بيها هو عنده ايه دا الصح 

39_ من اسواء الامراض في الشتاء النزله المعويه لانها بتكون فيروسيه  جفاف مباشرة متكسليش تكشفي بسرعه علي النزله المعويه

40_ داوو مرضاكم بالصدقات  اكثرو من الصدقات ربنا يحمي اولادنا واولادك

المستشفي