Search This Blog

تساقط الشعر الموسمي

 تساقط الشعر الموسمي  

انتبهوا صبايا بيبدأ تساقط الشعر بغزارة الفترة الجايه ( دورة حياة نمو الشعر) .

ضروري نفهم صبايا انه الشعر ينموا 9 أشهر بالسنة و بيرتاح لمدة 3 أشهر, هاي الأشهر تبدأ من شهر 7 و لغاية شهر 10, و للأسف غالبيتنا بنفقد شعرنا اللي اعتنينا فيه طول السنة بهاي الفترة , مدة التساقط بتتراوح من أسبوعين ل 100 يوم كاملين من التساقط ( الرقم بيخوف طبعا), و طبعاً أنتي و شطارتك بهالمرحلة .

شو لازم تعملي هاي الفترة ؟

-          صبايا نقص الحديد, إياكي تتهاوني بالحديد هاي الفترة و اذا ممكن تزيدي جرعتك زيديها , و اللي عندها اي نوع مكملات غذائية مركونة عالرف طلعيها على طول و بلشي  كولاجين, بيوتين, فولك اسيد, VC, VD. أي شي بيساعد (مخزون الحديد لازم يكون 70 على الأقل مشان يكون شعرك صحي) .

-          اهتمي بشربك للمي و لا تنقصي عن 2 لتر و لا نقطه و الافضل زيدي لل3 لتر .

-          قصي شعرك :من أقوى الحلول لايقاف تساقط الشعر هاي الفترة لأنه بتخلصي شعرك من الجزء المقصف و التعبان ,الصبايا اللي صار لهم أكثر من شهر و نص ما قصوا شعرهم , الأيام البيض هن  أفضل أيام لقص الشعر و تكثيفه. ( اياكي ثم اياكي تروحي على اي وحده تقص شعرك لأنه جد في ناس طريقه مسك المقص ل الشعر بتكون غلط 

لهيك بتلاقي صبايا كان شعرا ناعم صار خشن وكان يطول بطل يطول والمشكله اللي ما بتعرفها اغلب الصبايا إنه طريقه القص كانت غلط  ( قبل لا تروحي اسألي ).

-          ضاعفي  الترطيب الآن :

o         البلسم ضروري جداً جداً هاي الفترة ( لا تقربي البلسم للجذور ) .

o        استخدمي (كريم أو مايونيز أو ماسك للشعر) مرة او مرتين اسبوعياً.

o        نقطة زيت أرغان اوجل الصبار أو سيليكون منيح  بعد الحمام و مشيها على طول شعرك مش على فروة الرأس مشان تغلفي الشعرة و تحميها هالفترة ( زيت الارغان خفيف و ما بيلبط الشعر).

-          اعملي مساج لشعرك يومياً أقل شي 10 دقائق و يفضل تكون راسك منخفض عن جسمك ( شعرك يكون جااااف) .

-          استخدمي الزيوت مرة أسبوعياً , لا تكسلي هالفترة و أي زيوت عندك اخلطيها و حطي على شعرك و خليها من ساعة الى 3 ساعات .

-          اهتمي بنوعية أكلك اقل شي 3شهور من خضار و فواكه و زيدي كمية الجرجير والكبده والسمك ,هن اهم عناصر لغذاء بصيله الشعر من الداخل

في كمان اللوز و الموز, الأفوكادو, أناناس, زيتون .

-          نوع الشامبو مهم جداً , أحياناً ما بتستفيدي من كل اشي بتعمليه لشعرك لأنه الشامبو بيدمره  ( شامبوهات 2-1 ممنوع ) الشامبو لحال و البلسم لحال.واالافضل ا استعملوا شامبو من غير املاح بيكون كتير افضل سواء عامله بروتين او صابغه شعرك او صحه شعرك 

 لانه نحنا عنا الشامبوهات تعبئه وتقليد وما خفي كان اعظم 

انتبهوا .في شامبوهات  بتضعف بصيله الشعر لحتى يخف شعر الصبيه وتضل تلاحق علاجات للشعر

No comments:

Post a Comment

اكتب تعليق حول الموضوع

mcq general

 

Search This Blog