الاستخدام المنتظم للاسبرين ممكن يخفض نسبة الاصابة بسرطان البنكرياس ل 46 بالمية بحسب دراسات جديدة لعلماء بالصين و بريطانيا
والمقصود بالاستخدام المنتظم يعني مو اقل من حبة اسبوعيا لمدة 3 اشهر على الاقل
بعض الخبراء اكدو انو ممكن تكون اثار هالاستخدام سلبية بقدر ايجابيتا بالتالي نحنا بحاجة لدراسات على المدى البعيد
تم القيام بدراسة جديدة على مرضى بسرطان البنكرياس ب 37 مستشفى
و تم سؤال 761 مريض في حال كانو يستخدمو الاسبرين قبل سواء بشكل منتظم او عشوائي ومعظم هالمرضى نفو استخدامن للاسبرين
اثبتت هالدراسة انو الاستخدام المنتظم للاسبرين من الممكن انو يخفض احتمال الاصابة بسرطان البنكرياس
اما عن استخدام مضادات الالتهاب غير الستيروئيدية التانية ما تمت دراستها لان بس 12 مريض كانو يستخدموها بشكل منتظم وهالعدد غير كافي
الدراسات عند مرضى تانيين اكدت انو انخفاض الاصابة باي نوع مم السرطان مرتبط بالاستخدام المنتظم للاسبرين ومو بس سرطان البنكرياس
لكن بالنظر للاضرار المترتبة على هالاستخدام من تاكل جدار المعدة و زيادة خطر النزف كان لابد من الانتباه للاثار السلبية ومو بس دراسة الايجابيات
لحد الان هالدراسات غير كافية ولاقت انتقاد كبير والسبب انو سرطان البنكرياس من السرطانات نادرة الحدوث وتخفيض احتمال الاصابة فيه بنسبة 50 % لا يعتبر ذو قيمة كبيرة بالمقارنة مع مضار استخدام الاسبرين
ومع هالشي الاطباء لحد الان بيوصفو الاسبرين بجرعات وقائية وعلى مدى طويل للوقاية من الامراض القلبية الوعائية وسرطان الكولون و البنكرياس
No comments:
Post a Comment
اكتب تعليق حول الموضوع