ثقب طبله الاذن
يعني ايه طبله الاذن ؟
هي غشاء رقيق بين الاذن الخارجيه و الاذن الوسطي .
طب ايه اسباب ثقب طبله الاذن ؟
الأسباب بتكون اما داخليه يعني في الاذن نفسها و دي بتبقي اما وجود التهاب حاد في الاذن الوسطي او التهاب حاد اتحول لالتهاب مزمن .
او اسباب خارجيه زي حادث او ضربه كف او استخدام أدوات حاده او الاعواد القطنيه (و هنا لازم نقول ان الاذن الطبيعيه لاتحتاج الي تنظيف باستخدام اي جسم غريب ) او مضاعفات لعمليه .
طيب ايه اعراض ثقب طبله الاذن؟
سيلان (افرازات او بعض نقط دم )الاذن او طنين بالاذن و شعور بعدم الراحه أثناء الاستحمام او الوضوء .
ضعف السمع بيكون بسيط لمتوسط طبعا حسب حجم الثقب .
طب اعمل ايه لو شكيت في وجود ثقب بالاذن؟
في الغالب الثقب بيكون صغير و بعد حوالي تلات اسابيع بتكون طبله الاذن سليمه اهم حاجه الوقايه من التعرض للمياه بالسباحه او الاستحمام (يمكن استخدام سدادات للاذن ) مع عدم وجود ضغط علي الانف و يكون تنظيف الانف بالمحلول و برفق .
Comments
Post a Comment
اكتب تعليق حول الموضوع