الابرة الثلاثية ابرة الإنفلونزا

فولتارين .. ديكساميثازون .. مضاد حيوي

حرام في حق الانسانية وحق الأجيال القادمة لما يجيك واحد على الصيدلية معاه شوية برد وتروح تعطيه الخلطة العجيبة عشان يقول عنك دكتور شاطر وفهمان...  

انسألنا كثير عن هاي الخلطة... فولترين وديكسا ومضاد حيوي.... ديكلوفين وديكسا ومضاد حيوي.... اختلفت المسميات والمصيبة واحدة...!

يا جماعة الخير البرد اللي بيصيب الناس (عادة) Viral infection...  يعني فايروس وبياخذ وقته وبيروح ممكن من 3 ايام لـ7 ايام... طيب ليه بنعطي مضاد حيوي والمريض مو بحاجته؟؟؟ احنا لا نلجأ للمضاد الحيوي الا اذا الفايروس تحول لـ Secondary bacterial infection واللي ممكن تظهر على حالة حرارة شديدة جداً وإلتهاب شديد في الحلق.

ورداً على الناس اللي بتحكي احنا بنعطي المضاد الحيوي كـ Prophylactic from Secondary bacterial infection ما في اي معلومة بالدنيا بتقول انه المضاد الحيوي بيتاخذ كوقاية بهيك حالات... في الدول المتقدمة بيحاولوا بيجربوا كل الطرق الممكنة قبل ما يعطوا المضاد الحيوي وبيحفزوا جهاز المناعة للمريض بحيث انه هو يتغلب على المرض ويقوم بدوره والمضاد الحيوي اخر خيار..

لا ويا ريت بيعطي كورس كامل ابر مضاد حيوي ابرة وحدة والسلااام...

البكتيريا ممكن تقاوم المضاد الحيوي بعدة ميكنزمات مختلفة فلما تعطي ابرة مضاد حيوي وحدة انت بتسمح للبكتيريا انها تكتشف طريقة للمقاومة ووهيك بعد فترة المضاد يبطل يجاوب مع المريض»» Resistance

ابرة الفولترين كمسكن للالم وخافض للحرارة فعالة لفترة تتراوح تقريبا لمدة 24 ساعة فقط كحد اعلى وتجنب اعطائها لمرضى الضغط وممن يعانون من الفشل الكلوي

ابرة الديكسا في حالة الـViral تهبط من المناعة اللي احنا بحاجتها اصلا لمقاومة الفايروس 

Dexamethasone can weaken your immune system, making it easier for you to get an infection or worsening an infection you already have

اذاً يكفي علاج الأعراض اللي بتصاحب البردية كالحرارة او الرشحة والصداع ونحكي للمريض يكثر سوائل دافية

وأخيراً لو اضريت لإعطاء ابرة المضاد الحيوي اعطي كورس كامل وفهم المريض حاجته لذلك عشان ما نضطر نرجع لعصر ما قبل المضادت الحيوية ووقتها علاج شوية التهاب بكتيري راح يكون اصعب من علاج السرطان.....