الاخطاء اللي بيقع فيها معظم الصيادله كل يوم

 

(1)اوعى تدى حقن طويلة المفعول (قصدىpenicillinاللامائى)قبل ماتسأل المريض خدها قبل كدة ولا دى اول مرة وعمل اختبار حساسية قبل مايخدها ولا لا احسن يطلع عندة حساسية من البنسيللين ويموت فى ايدك وتروح فى داهية

ولما يقوللك ..آه أخدتها قبل كدة

قوله طيب روح خدها فى نفس المكان

ليه

لأن ممكن يكون عندة حساسية من تانى أو تالت مرة

 

(2)اوعى تحط قرص او قرصينantibiotic فى مجموعة البرد. لان كورس المضاد الحيوى لازم على الاقل يستمر 48 ساعة بعد الشفاء ان شاء الله يعني العلاج بيستمر حوالى من 5-10 ايام-

 

(3)لو طفل عنده انفلونزا اوعى تجري و تديله اسبرين لان ده ممكن يؤدى الى

Reye's syndrome- 

(4) اوعي تدي قطرة النازوفرين لمدة تزيد عن سبع او عشرة ايام متواصلة

لانها حتعمل احتقان عكسي لما تزيد مدة اعطائه عن سبعة او عشرة ايام

 

(5)اوعى ثم اوعى تدى حقنة مصل التيتانوس فى الصيدلية غير لما تسال المريض وتتاكد منه انه اخد المصل دا قبل كدا او تعمله اختبار حساسية لان حساسية التيتانوس من اصعب انواع الحساسيه وممكن تؤدى الى الوفاة فرجاء الحذر يادكاترة. 

 

(6)اوعى تدى واحدة حامل زيت خروع لانه بيحفز انقباضات الرحم ويحصل اجهاض وللعلم ممكن اعطاؤه للحامل قبل الولادة لزيادة الطلق

 

(7)اوعى تحط مرهم أسود (اكتيول) على جرح أو حتى الخراج بعد ما يتفتح

 

(8)اوعى تدى فياجرا لمريض قلب يتعاطى النيترات

 

(9)اوعى تدى مسكن زى الفولتارين او بروفين ..الخ قبل سؤال المريض عن حالة المعدة عشان ماتعملوش قرحة

 

(10)اوعى تدى لواحدة كريم فيه هيدروكينون مفتح بشرة من غير ماتنبه عليها انها ماتخرجش بيه فى الشمس

والأحسن انها تدهنه قبل ماتنام (فى الظلام) عشان مايجيبش أثر عكسى

 

(11)لا يتم وصف حبوب منع الحمل لواحده عندها ارتفاع فى ضغط الدم لانها هتزوده

 

(12)بالنسبه لابرة ال Diclofenac sodium   الافضل ان لاتعطيها لشخص عنده ارتفاع بالضغط لانها ستزيد من ارتفاع الضغط عنده .

(13) بالنسبه لابرة ال Dexamethasone   الافضل ان لا تعطيها لمريض السكري لانها ممكن ان ترفع السكر عنده ...وكذلك مريض الضغط المرتفع

 

(14)اوعي ترقع بالصوت لما تلاقي واحد سكره او ضغطه واطي او عالي جدا عشان ميموتش من الخضه

 

(16)اوعي تدي بريزولين بلو لواحد عينه حمرا الا لما تسأله ان كان عنده جلوكوما ولا لا أصل البريزولين بترفع ضغط العين شويتين "

 (17) اوعى تدي أي laxative خاصة اللي فيه anthraquinon لواحدة حامل عشان ده هيخلي عضلات الرحم تنقبض ويحصل اجهاض ولو الحكاية ضروري قوللها تشرب لبن كتير ولو لسة تاني يبقي اي حاجة bisadocodyl زي بيسادسل ومينا لاكس

 

(18)أوعى تخلط حقنة اولفين مع نيوروفيت لانه بيحصل ترسيب

الكلام ده مع كل vit B12 ماعدا حقنة Depovit

(19)اوعى تصرف تحاميل (لبوس)مهبلية قبل ماتتأكد ان الشخص:أنسة أم سيدة وإلاممكن تروح فى داهيه

و تعطي بداله دهان او كريم خارجي مع غسول مهبلي لانه اكيد الي عندها التهابات فطريه كالعاده ..

 

(20)اوعي تدى حقن سيفاجين وريد في الصيدليه علشان ممكن واحد يكون عنده حساسية ويروح فيها

 

(21)إوعى تطلع congestal أو أى دوا برد فيه مزيل للإحتقان قبل ما تسال المريض عنده ضغط ولا لأه

 

(22)لو مريض عندة بقع او نمش في الجلد وفكرت تديلة (كينولون)زى الكينول مثلا اوعى تقولة يحطة بالنهار والا هيدى نتيجة عكسية لازم بالليل لانة بيتأكسد فى الشمس

 

(23)اوعى تدى فيتامين سى لمريض قبل ان تتأكد انة غير مصاب بأنيميا الفووووووووول

 

(24)اوعى تدي كورتيزون اي نوع مع عدوى فيروسيه او Psycosis i او قرحه او ضغط اوسكر

 

(25)تجنب تغيير دواء الضغط لاي مريض بدواء اخر وبخاصة المرضي الذين يتعاطون propranolol (اندرال).

 

(26)اللانوكسين معروف انه دواء للقلب (الماده الفعاله ديجوكسين مستخرج من نبات الديجيتاليس)

يعمل علي زيادة ضربات القلب للناس اللي بتشتكي من القلب وهو الدواء الوحيد في الصيدليه( علي حدعلمي) اللي العلبه بتاعته مكتوب عليها(poison)في بار باللون الأحمر

وذلك لأن جرعته يجب أن تؤخذ بحرص والا أصبحت سامه فعلا

اذ أن المريض يأخذ كل يوم قرص واحد ويبطل يومين في الاسبوع حتي يخرج من الجسم ولا يتخزن,

 

(27)اوعى تغير لمريض على اي جرح من غير ما تكون لابس جوانتي

وخصوصا ف المناطق الشعبية عشان يا جماعة فيرس سي والبلاوي

التانية وفيه صيادلة كتير بيستهينوا بالموضوع ده ويقولك انا بغيرله

بالقطنة من بعيد يا جماعة مش هنضحك على نفسنا هو احنا

شايفين الفيروس ممكن يكون انتقل للمنطقة اللي انت ماسكها

 

(28) اختبارات الحساسيه بتاعة التيتانوس والبنسيلن

بالنسبه للبنسلين بعد ما نحلها نقطه تحت الجلد ونستنى 20 دقيقه

كذلك التيتانوس بس التيتانوس ناخد نقطه من الامبول + 10 سم ماء وبعد كده احقن نقطه تحت الجلد ونستنى 20 دقيقه

اذا ظهرت اعراض الحساسيه فى الجسم كله وبكرر فىالجسم كله (احمرار والتهابات)

يبقى ندور على حاجه بديله لهم وميتخدوش

 

(29)اوعى تدى اى مركب به زنك لمريض عنده psychosis

(30)اوعى تدى اى دواء به حديد لمريض الكبد

(31)اوعى تدى الحديد مع vit e

(32)اوعى تدى اى مسكن لمريض الكبد باستثناء الباراسيتامول وراعى ان الجرعه تكون صغيره

(33)اوعى تدى اى مسكن لمريض تشك ان بيعانى من الربو

(34)اوعى تدى اى مسكن لمريض عنده مغص الا لما تساله المغص فين بالظبط احسن يكون عنده زايده ويروح فيها-

 

(35)الباراسيتامول هو المسكن الوحيد المسموح به لمرضى الربو

 

(36)الباراسيتامول هو الوحيد الذي ليس له خواص مضاده للإلتهابات

 

(37)اوعى تكسر امبولة ابنفرين لواحد عنده نزيف في الانف لانه ممكن يكون عنده مشاكل في الدورة الدمويه او مريض ضغط عالي ...يروح في داهيه

 

(38) لازم اسئل اي سيدة اذا كانت حامل قبل ما اديها اي حاجة

زي مثلا

من اخطر الادويه اللي ممكن تسبب تشوهات عند الجنين هي Griseofulvin وباقي الادويه اللي تعالج الفطريات

اوع تعمل المصيبه دي وتدي حامل دوا بيعالج الفطريات

 

(39)اوعي تعطي فياجرا لواحد عنده angina لييييييه؟

اولا:لانها بتضيق الشرايين المغذيه للقلب (ودي لواحدها مصيبه في اللي عندهم ذبحه)

ثانيا:لانها مع النيترات (داينيترا مثلا) هتقلل الضغط اوي وممكن يغمي عليه من قله الضغط

 

بالنسبة لموضوع البنسلين ياجماعة فيه ناس بتيجى عايزة (1سم)ليدوكايين معاه علشان مايوجعشى هل ده صح ولاغلط ولو صح هل ممكن امزجه بيه بدل الماء وهل ممكن استعمال مخدر موضعى مثل الليوكايين مرهم

لا اوعى تعمل كده ابداااااا 

لانه مرة حصلت وطبعا المخدر الموضعى ده مخلاش اعراض الحساسية تظهر

فلما يقولك الحقنة بتوجعنى وهو يكون مجربها خليه يستحمل شوية وبعد ما تتأكد انه عنده او معندوش حساسية تبقى تديله المخدر الموضعى ده

 

(40)urosolvin

مينفعش حامل تاخده لانه فيه

كولشيسين

which is teratogenic

مشوه للاجنة

 

(41)اوعي تدى حقنة سيفاجين عضل

 

(42)اوعى تدى تشطيف مهبلى لعروسه جديده بيتادين

لان ده حيموت الاسبيرم (الحيوانات المنويه)

ممكن تدى اى حاجه من المنتجات الجديده زى رونكس

ليدز كير

اى حاجه من دول

 

(43)عدم صرف المضاد الحيوى الا بالوصفة الطبية واعطاء الكورس كامل وعدم صرفه بالقرص او بالكبسوله

 

(44)اوعى تدى حقنه فيتامين مع اى حقنه تانيه فى سرنجه واحده لان ده حيخلى الحقنتين يرسبواا

 

(45)اوعى توصف حقنة اسبجيك لخفض درجة الحرارة من نفسك -او اى اسبرين- خاصة لو حد اقل من 19 سنة لانه لو عنده Viral infection 

(46) اوعي تصرف أدوية القلب بدون روشتة وكذلك أي نوع من الكورتيزون

(47)لوجالك سيده حامل وطلبت من نفسها كده (تتراسيكلين) مضاد حيوى ماينفعش

تاخده لان ده هيبوظ الاسنان للfetusده الى جانب انه هيعمل bone deformity للام والطفل

وعموما المضادات الحيويةاللى تعتبر امنه اثناء الحمل مش كثير اهم اتنين ينفعوا واللى يعتبرواsafe هما (penicillin&cephalosporin)

 

لو حصل و اديت حقنة بنسلين ( لامائي ) لواحد عنده حساسية منه اديله حقنة كورتيزون بسرعة

 

او حقن كاليسوم توخذ ببطىء شديد فى الوريد

 

 

(48)اوعى تدى حقنة سيفاجين حتى لو معاها افيل لان لو عندة حساسية هيموت مجرد مايوصل بيتهم وكل اللى الافيل عملتة انها اخرت موت المريض دقايق ودى حاجة حصلت

 

(49)جماعة خلوا بالكم من حقنة البنسيلين والمفروض ان هي ممنوعة منعا باتا في الصيدليةوان اكبر اطباء القلب قال ان الحساسية ممكن تحصل حتي لو عملت الاختبار وفي حالة حدوث الحساسية بيبقي سباق مع الزمن ومابيبقاش سهل زي ما ناس كتير فاهمة فورتيكورتين +افيل

 

(50)ايضا اوعى تدى اقراص اسبرين لواحد عنده عامل نزيف او قرحة

 

(51)لو اى مريض عنده السكر وهيضطر ياخد معاه كورتيزون فى الحاله دى لازم (يعلى جرعه الانسولين او اى اقراص للسكر هو بياخدها) . ......ليه؟؟؟؟

لان الكورتيزون دهglucocorticoids يعنى بيزودgluconeogenesisيعنى هيزيد معدل السكر فى الدم ده اولا .ثانيا الكورتيزون بيخلى السكر بدل مايدخل الخلايا ويتحول لطاقة..لأ ده بيخليه فى الدم وبالتالى برضو هيزيد السكر فى الدم بس بطريقة تانية.

يعنىpoor control for diabetes

عشان كده قلنا انه لازم نعلى جرعه الanti diabeticمهما كان نوعه... 

 

52-اوعي تدي حقنة سيفاكسون او بدائلها بالوريد وهي معاها ليدوكايين عشان الحقن دي بينزل منها عضل فقط ومعاها مذيب عباره عن ليدوكايين عشان الماده دي بتحرق اوي في العضل فالمخدر ده بيقلل الالم شويه .وبينزل منها وريد فقط ومعاها ماء حقن عادي وصيادله كتير بتنسي النقطه دي وبيطلعوا العضل وبيكتبوا عليها وريد كل 24 ساعه

53-اوعي تخلط حقنتين مع بعض انت مش عارف ناتج خلطهم ايه يعني خليك في اللي انت عارفه بس ولو خلطت حقنتين وحصل تعكير او ترسيب اوعي تديهم للمريض

54-اوعي تدي مريض ظهرت عليه اعراض جلطه اي اسبرين عشان ده ممكن يذيد الحاله سوء لو كان عنده نزيف في المخ هيزود النزيف ده ومش هيقف ولكن حوله ع المستشفي فورا

55-وعي تدي مريض ضغطه مرتفع ابيلات كبسول عشان ده ممكن ينزل الضغط بسرعه جدا ولكن ممكن نديله كابوتن 25 مل

56-اوعي تدي لمريض حقنة كابرون وريد بسرعه عشان ممكن تعمله هبوط حاد ولكن تحقن ببطء

57-اوعي تدي لمريض حقنة تحت الجلد غلط بالاخص حقنة الانترفيرون عشان ممكن تسببله اضرار جسيمه

58-اوعي تركب محلول لمريض وتنسي تفضي الهواء اللي في الخرطوم قبل ماتوصله بالوريد عشان ممكن يروح فيها

59-اوعي تغلط في جرعة ازيثرومايسين زي زيثروماكس وزيثرون وزيثروسين وازروليد وتديها 3مرات في اليوم لو الدكتور نسي يكتب الجرعه او خطه مش واضح ولكن الجرعه المعتاده هي مره واحده يوميا قبل الاكل بساعه او بعده بساعتين

60-اوعي تنسي توجه المريض ان استعمال الفنترن او امبيزيم او نيوبيزيم اقراص لازم يكون قبل الاكل بساعه والا مش هيعمل اي حاجه غير انه يصبح مهضم فقط

61-اوعي توصف محلول جلوكوز لمريض سكر او محلول ملح لمريض ضغط مرتفع

نتشرف باضافة اي توعيات او اخطاء او تعديلات