كيف نتعامل مع المريض الي عنده قصور كلوي كطبيب اسنان

كيف نتعامل مع المريض الي عنده قصور كلوي 

 احنا دورنا كطبيب اسنان ونريد نقلع؟؟؟؟

1-اول شي لازم نشوف الفحوصات الاتية  + نفحص ضغط الدم

الفحوصات : مستوى اليوريا بالدم = الطبيعي = 6- 20 مليغرام 

اذا زاد معناته مشكلة عامة قد تكون وظائف الكلية  "لكن مو شرط" ...

ثانيا تصفية الكرياتينين من الدم , فاذا كان نسبته 1.2مليغرام للمرأة و 1.4 مليغرام للرجل فهاي علامة ضرر بالكلية

-وفحص وظائف الكلية  : GFR

2-هل المريض ديغسل كليته بشكل مستمر ؟؟؟ اولا الافضل القلع بعد يوم من الغسل... 

والتاكد من عدم اجراء قلع على الاقل 4 ساعات بعد الغسل حتى لا يصير نزيف بسبب الهيبارين الي ينطوه اثناء الغسل

وثانيا مثل هالمرضى يكونون معرضين للاصابة بالتهاب الكبد الفيروسي او الايدز فلازم نتأكد ما بيهم هالامراض وناخذ الاحتياطات اللازمة حتى لا ينتقل المرض النا .

3- هل المريض زارع كلية؟؟؟  وبهالحالة ياخذون ادوية تثبط المناعة  فممكن يصير عدوى بعد قلع السن نتيجة لنقص المناعة فلازم ننتبه لهاي النقطة وننطي مضادات حيوية 

4- الادوية الي لازم نتجنبها بمريض الكلية  او ننقص جرعتها  او نباعد باوقاتها هي الاتي 

بالنسبة لادوية الالم الي نتجنبها : الاسبرين , براسيتامول بجرعات كبيرة

مضادات الالتهاب الغير ستيرودية ( بروفين)

مضادات الالتهاب: البنسلين , السيفالوسبورين, امينوكلايكوسايد

______

وبعد استشارة طبيبة وحسب مرحلة نقص بوظائف الكلية حاد او بسيط 

 نقوم بتنقيص الجرعة او تضبيطها مثلا ببدال انو ياخذ اموكسيل 3 مرات نحوله الى جرعة اقل ومرة باليوم  اذا حاد وهكذا ...

او الافضل نعطيه دواء اخر

تكدرون تنطوه ارثرومايسين , كليندمايسين 

-بالنسبة للبنج الموضعي عمليات الايض تتم  في الكبد فهو مو مسبب لضرر الكلية