وإنك تفضل واخد بالك من نفسك ده امر مش كلنا بنعرف نعمله
بمعني ان في مننا لما بيحصله مشكله نلاقيه بطل الدوا و مش بياكل كويس وده امر خطير لأنك كدة بتُحيط نفسك ب التعب من ثلاث جهات
١_ النفسيه اللي زي الزفت بسبب مشكلتك اللي مزعلاك
٢_بتساعد المرض ينشط بأنك توقف دوا
٣_بتضعف جسمك بأن مفيش غذاء داخله
والحاجات دي مع بعض كفيله لاقدر الله تدمرك وترجع ١٠٠ خطوه لورا وممكن مضاعفات خطيره فا ناخد بالنا
طيب في اللي بيقولي بتبقي حالتي النفسيه وحشه ومش طايق حاجه
اقوله هو انت لما تبطل دوا واكل هتبقي كويس او المشكله هتتحل؟؟ 🤔
لا طبعاً بالتالي انت بتزود الهم همين و انت فالاخر الخسران
اهتم ب نفسك لأنها تستاهل انك تهتم بيها تستاهل انها تفرح و تعيش زي باقي الناس احنا اه تعبانين و ده مأثر علينا بس لو فكرت هتلاقي ان المرض شئ عادي والحياه عمرها ما هتقف عليه
انا ليا صديق كان عنده كانسر و قعد سنين جسمه متدمر و كله قال هيموت بس هو كان من اقوي الشخصيات اللي شفتها وكان واثق ف ربنا
دلوقتي ماشاء الله اتعالج و رجع افضل من الاول و شخص ناجح جدا كل ده بفضل الثقه بالله والنفس وإنك مهم و ليك رساله وعمل لازم تعمله فالحياه
No comments:
Post a Comment
اكتب تعليق حول الموضوع