هنتكلم انهارده عن واحد من ارخص مصادر البروتين إذا مكانش الأرخص فعلاً لا وايه كمان مليااااان فوايد رهيبه و ليه اكتر من طريقه للأكل
هنتكلم عن عملاق المطاعم و بروتين الجيماويه و أسهل حاجه لست البيت الفاشله والأهم من ده كله إنه من الحاجات اللي بحبها جداً
البيض
البيض بيتكون من حاجتين بياض و صفار
البياض
عباره عن بروتين صافي و غني جداً جداً بالمعادن والڤيتامينات وكمان بيحتوي علي الأحماض الأمينية الأساسية التسعة فا يعتبر قنبله فوايد
الصفار
الصفار عباره عن حاجه ظريفه كده والناس بتخاف من موضوع الكولسترول بس لو بصينا هتلاقي الدراسات أظهرت أن الكوليسترول الغذائي لا يؤثر سلبًا على الكوليسترول في الدم لدى معظم الناس. في الواقع ، تم إكتشاف فائدة البيض لتحسين ملامح الكولسترول عن طريق زيادة الكولسترول الجيد "HDL cholesterol".
والصفار غني بالكولين وده أساسي لصحه الدماغ وتطوره
وغني باللوتين وزياكسانثين ودي مضادات اكسده لصحه العين غير فيتامين B12 وباقي الفيتامينات اللي كلنا محتاجينها فيومنا
نيجي بقي للناس اللي عندها مشكله ف زلال الكلي و خوفها من أكل البروتين تمام الكلام ده علي عيني و راسي
بس الطبيعي إن كل إنسان ليه احتياج يومي من البروتين سواء من البيض أو غيره والدكتور اللي يمنع البروتين خالص اعتقد لازم تشوف واحد غيره لانه حاجه اساسيه
وطبعاً مش ده فوايد البيض بس لا ده ليه إنجازات اكبر كتير بس حاولت أوضح بس بعض فوايد والمشاكل اللي الناس بتخاف منها
و طبعاً لو في أي مشكله مع الكلام ده فده هيكون خلاف مع العلم لان ده مش كلامي
اه استنوا نسيت حاجه مهمه
البيض سعراته كويسه للناس اللي بتتبع نظام غذائي او دايت و يعتبر فطار ممتاز
اتمني يكون حد استفاد من الكلام ده و ياريت اللي حابب يتكلم عن حاجه معينه يكتب فالكومنتات
No comments:
Post a Comment
اكتب تعليق حول الموضوع