تخطيط القلب بكل سهولة ,

February 19, 2022

للي يحب يتعلم هالشي

شلون تقرا تخطيط القلب . او ECG

بصوره مبسطه

من خلال المنشور راح تكدر تقرا تخطيط القلب . وشنو المعدل الطبيعي واذا اكو مشكله راح تكدر تعرفها وشنو علامات هاي المشكله واسبابها وعلاجها

الموضوع طويل . اذا ما الك واهس اخذ سكرين لان يفيدك بيوم ما

. ال ECG هذا الموضوع جدا واسع والموضوع هو خصيصا للاطباء والممرضين لكن راح اعلمك تقراه زياده لمعلوماتك وشي حلو من تشوف مريض يشخص حالته من خلال قراءه تقاريره الطبيه .

هذا الشي لا يغني عن الطبيب طبعا/ والموضوع تحتاج تقراه مره و مرتين علمود تستوعب كميه المعلومات البيه واني اشوف افضل الك تخلي المنشور هذا مرجع الك لقراءة تخطيط القلب . وتحفظه او تشاركه للفائده

,,,

شنو معنى ECG : اختصار لكلمه electrocardiogram

هذا جهاز يفحص حركه القلب او كهربائية القلب هل هي طبيعيه ام لا وعلى اساسه نكدر نعرف عده امور عن القلب .

المريض من يروح يسوي تخطيط قلب. الاخصائي يربط اسلاك او اقطاب عددهن 10 عل صدر والاطراف اسمهن leads وينطن 12 صوره الي هنه

Lead I, lead II, lead III, aVR, aVL , aVF,

V1,V2,V3,V4,V5,V6))

يربطهن على اماكن معينه على الجسم وهذني يعتبرن مثل الكاميرا يصورن كهربائيه القلب من جهة معينه والصورة عباره عن رسم على ورقه .

الجهاز راح ينطيك ورقه التخطيط ومرات تختلف من جهاز لاخر احيانآ يكتبون فقط الحاله واحيانآ بس التخطيط وبكل الحالات راح تعرف تقراه من خلال الشرح .

. كلنا نعرف انو القلب عباره عن تجويف عضلي في حركه مستمرة على مدار ال 24 ساعه لان هو مضخه الدم . ياخذ دم بيه اوكسجين من الرئه ويدزه الى كافه ارجاء الجسم وبنفس الوقت يستلم الدم الي بيه ثنائي اوكسيد الكاربون ويدزه للرئه للتصفيه .

القلب يعمل بدون توقف منذ ولادتك الى مماتك . يضخ 5 لترات دم بالدقيقه . يعني 7200 لتر يضخ خلال ال 24 ساعه ..

القلب ينبض 72 نبضه بالدقيقه كمعدل . شنو معنى نبضه . هذا الصوت الي تسمعه Lub-dub

. هذا صوت غلق صمامات القلب وايضآ انقباض وانبساط عضلات القلب . هاذا الصوت بدايته ونهايته ياخذ 0.8 ثانيه ويصيحوله نبضه قلبيه كامله . لكن الي يحصل بهذا الوقت شي عجيب من سرعه وانتظام .

عضلات القلب تتحرك بسبب كهرباء تنطلق من الجهاز العصبي في نقطه معينه اسمها SA node . تحرك عضلات القلب

نأتي الان الى ورقه ال ECG وهي عباره عن رسم بياني . وره متكمل فحص راح ينطوك ورقه عليها رسم موجات ومقسمه لمربعات . كل مربع صغير يساوي 0.04 ثانيه . كل مربع كبير يساوي 0.2 ثانيه

المربع الكبير يحتوي على 5 مربعات صغيره

. كل 5 مربعات كبيره تساوي 1 ثانيه . .

‌كل 300 مربع كبير يساوي 1 دقيقه . موضح في الصور ادناه

القلب منقسم الى 4 حجرات او غرف . اثنين بالاعلى اسمهن اذين واثنين بالاسفل اسمهن بطين

,,,

لو تنظر لتخطيط القلب راح تلكه بيه رسم على شكل موجات

اول موجه مرمز لها حرف P. وهاي تمثل انقباض وحركه الدم من اعلى القلب الى اسفله .

هاي الموجه بالحاله الطبيعيه لازم تكون موجوده وطولها 2 الي 3 مربعات صغيره . 0.12 Second .

,,,,

الموجة QRS . هذه الموجه مركبه من ثلاث احرف . وتمثل انقباض البطين . دائما يكون ارتفاعها اعلى من خواتها . ومدتها

0.10 sec

,,,

الموجة T . هاي تمثل ارتخاء عضلات القلب وانتهاء النبضه . وتكون مدتها 3 مربعات صغيره .

,,,

اخيرآ الموجة U وهاي مرات تظهر وعل اغلب متظهر . اذا ظهرت معناها المريض عنده نقص بوتاسيوم او ارتفاع نسبه الكالسيوم في الدم .

واذا ارتفع الكالسيوم فالمريض معرض لحصوات الكلى وضعف في العظام

,,,

هسة نبدى بالخطوات العملية .

هسه اجتك ورقه ال ECG وعرفت معنى الموجات . اول شي تاخذ ورقه وقلم وتكتب على صفحه 5 قواعد عل اساسهن نعرف اي ورقه ECG طبيعي لو بيها مشكله . راح اكتبهن وراها اشرح معناهن

,,,,,,,,

القاعده الاولى . هل هذا ال ECG نضم قلبي طبيعي لو لا .

Sinus or non sinus

القاعده الثانيه لازم نعرف ضربات القلب منتظمه او لا .

Rhythm . Regular or irregular

القاعده الثالثه لازم نعرف معدل ضربات القلب

. heart Rate

القاعده الرابعة محور القلب

Axis

القاعده الخامسه هل موجات القلب طبيعه ام لا

Heart wave . Normal or abnormal

,,,

خل نجي على اول قاعده هل هذا نضم قلبي سليم ام لا . شنو معناها . معناها انو هذا القلب كاعد ياخذ كهرباء بصوره صحيحة من نقطة SA node لو تطلع من غير مكان .

شلون نعرف . نعرف من خلال النظر لل ECG اذا لكينه موجه p واتجاها للاعلى . او وره كل موجه p . موجه QRS اذا هذا نضم قلبي صحيح . غيرهن مو صحيح وراح انطيك امثله .

القاعده الثانية الي هية هل هذا منتظم ام لا .

شلون نعرف . نباوع عن المسافه بين قمة الموجة R مع قمة الموجة R اذا لكينا المسافه متساويه بين كل RR اذا هذا منتظم واذا لا معناها غير منتظم

ثالثا. ضربات القلب.

الطبيعي هو من 60 الى 100 ضربه في الدقيقة . شلون نعرف و نحسب. . اذا كان منتظم نحسب كم عدد المربعات الكبيره بين Rو ال؛ R الثانيه ونقسم 300 عل هذا العدد يطلع الناتج .

على سبيل المثال عدد المربعات الكبيره بين R و R . .

. 5 مربعات . اذا نقسم 300 عل 5 .. يساوي 60 ضربه اذا هذا ضربات القلب طبيعيه.

اما اذا كان غير منتظم . اذا نحسب 30 مربع كبير ونشوف كم R ونضربها × 10 . مثال حسبت 30 مربع كبير ولكيت عدد ال R .

7 اذا نضرب 10 × 7 . يطلع الناتج 70 . معدل ضربات طبيعي

,,,

رابعا محور القلب . وهاي شوية معقده ومتهمك كمبتدا .

خامسآ . الموجات .

كم موجه عندي .

اولا الموجة p . وسبق وكلنا هاي تمثل حركة الاذين . ومدتها 2 مربع صغير .

الموجة QRS وهاي تمثل حركة البطين وحجمها يكون 2 مربع صغير اذا زادت معناها مشكلة .

الموجة T وهاي استرخاء البطين وحجمها 3 مربعات صغيرة

,,,,

زين هسه انته تريد تعرف هذا القلب سليم لو لا .

.. تطبق القواعد.

القلب السليم لازم تتوفر بيه الشروط.

Sinus نضم قلبي كهرباء صحيحه

Regular الوقت منتضم بين ضربه والثانية

Heart rate ضربات القلب طبيعية من 60 الى 100

Axis هذا مو مهم حاليا الك كمبتدأ

Heart waves . Normal duration . موجات القلب باوقات طبيعية

انطبقت هاي الشروط اذآ القلب سليم كما في الصور الاولى للقلب. هاي ال ECG سليم في هذه الصوره لان انطبقت الشروط .

هذا النوع يصيحولة . طبيعي

Normal sinus rhythm . الحالة الاولى

كما في الصوره . حالة رقم 1

,,,,

الحاله الثانية . القلب عنده ضربات قلب ضعيفة تحت ال 60 . صوره رقم وهذا يسمى bradycardia . قلب ضرباته ضعيفة . زين شلون راح نعرف . نطبق القواعد ال 5

. راح تلكة كل ال 5 قواعد منطبقه ماعدا انو نبضات القلب بطيئه تحت ال 60 .

اسباب ضعف ضربات القلب

التعب والإرهاق السريع في حالة القيام بأي نشاط بدني

. ضيق في التنفس.

اضطربات في التوازن فيشعر المريض بالدوخه الدوار

. آلام في القفص الصدري.

التشوش أو النسيان.

التقدم في العمر

امراض تصيب عضله القلب مثل الجلطه او انسداد الشرايين.

تعاطي ادويه ل رفع ارتفاع ضغط الدم؛

او . وجود عيوب خَلقية في عضلة القلب

واخيرآ ضعف التنفس كما يحصل أثناء النوم.

علمود نمنع هبوط الضغط . او انخفاض ضربات القلب لازم المريض يمتنع عن التدخين

و ممارسة الرياضة بشكل يومي وبانتظام.

واتّباع نظام غذائي صحي للقلب غنيّ بالخضروات والفواكه والبقوليات والأسماك بعيداً عن الأطعمة الغنية بالدهون.

واخيرا خفض وزن الجسم الزائد ومعالجة السّمنة بالطرق السليمة.

,,,,,

الحالة رقم 3 . زياده ضربات القلب Tachycardia .

اذا طبقت القواعد ال 5 وشفت كلشي سليم بس زيادة في ضربات القلب فوك ال 100 معناها المريض عندة تسارع ضربات القلب

وهاي الها اسباب بسيطه واسباب معقده ..

الاسباب البسيطه مثل.

الارهاق . الخوف الشديد. شرب القهوة او الكحول بكثرة . وهاي الاسباب ينصح بتقليل التوتر والقلق وممارسه رياضه وشرب كميات ماء كافية

اما اسباب خطيرة مثل وجود فتحات بالقلب . وراثه.

او تلف عضلات القلب والصمام .

تصلب شرايين وضيقها

اعراض . يكون المريض يشعر بدوخة والم بالصدر وخفقان قلب ضيق في التنفس .

الوقاية بعدة طرق منها التحكم في ضغط الدم ومستوى الكولسترول.

التحكم في الإجهاد والضغوط النفسية

. المحافظة على الوزن الطبيعي

. الرياضة والأكل الصحي. الفحص المنتظم للجسم.

,,,

الحالة رقم 4

اضطراب القلب . SINUS Arrhythmia .

. اذا طبقت القواعد ال 5 . ولكيت انو المسافة بين R و R غير متساوية. اذأ هذا معناه المريض يعاني من اضطراب في ضربات القلب

. وهاي جدآ شائعة عند الاطفال وكبار العمر فوق ال 60 خصوصا عند التنفس. اما اذا لكيتها عند الكبار معناها اكو وراها اسباب

الاسباب

ممكن تكون بسيطه مثل الاجهاد والرياضة والحالة النفسية

وممكن تكون اسباب معقده وراها احد الاسباب

مرض الشريان التاجي.

متلازمة العقدة الجيبية SSS اعراضها ضيق وقصر بالنفس

اختلال بالصوديوم او البوتاسيوم

تغيراات في عضلة القلب

جرح بسبب ازمة قلبية

غالبآ ما يكون العلاج زرع جهاز pacemaker تحت الكتف لتنظيم ضربات القلب

,,,

الحالة رقم 5 .

خروج الكهرباء من الاذين وليس من نقطة ال AV node .

اجيت طبقت القواعد ال 5 . وطلعت ضربات القلب . لكن لو تركز راح تشوف عدنا بال ECG اكو موجة مو كاملة مابيها موجة P . اجتي بالغلط او مكاملة وهاي تشخص حالتها انو هذا المريض يعاني من خروج الكهرباء من الاذين .

Premature atrial contraction

الاسباب غالبآ تكون غير معروفة لكن اكو اسباب بسيطه الي هي

. كافيين caffeine

الكحول alcohol

اجهاد وتعب وقلة نوم stress / fatigue / poor sleep

ممكن يكون تأثير جانبي لاحد الادوية المنظمة لضربات القلب .

وهنا اني انصح اي شخص يحس قلبه ينبض ضعيف او سريع او ضجة اصوات . روح تعالج ولتهمل نفسك هاي الامور الصغيرة ممكن تؤدي الى السكتة القلبية

,,,,

الحالة رقم 6"

wondering atrial pacemaker

الصورة . ( الحالة رقم 6 )

. حركة اذين تائهة .

اذا طبقت ال 5 قواعد ولكيت انو شكل الموجة P مختلف بكل ضربة وشكلها غير معروف اذا اتشخص الحالة wondering .

ماكو فد سبب معين . لكن احيانا تحدث للرياضيين او اثناء النوم

ومالها فد علاج معين لكن اذا كنت تاخذ من هذا الدواء digoxin toxicity وصار عندك wondering الافضل تتوقف عن اخذ هذا الدواء

,,,,

الحالة رقم 7 . الصورة ( الحالة السابعة)

Multifocal atrial Tachycardia

ازدياد ضربات القلب الجزء الاذيني .

اذا طبقت القواعد ولكيت ارتفاع بضربات القلب . وال p شكلها مو طبيعي او مختفية وفترة ال PR شبه معدومة اذا تشخص الحالة ب الحالة رقم 7

دائما ما نلكاها عند المرضى الي تجاوزت اعمارهم ال 50 سنة.

. اسبابها

التهاب رئوي جرثومي Bacterial pneumonia

مرض الانسداد الرئوي المزمن COPD

فشل القلب الاحتقاني Congestive heart failur

سرطان الرئة Lung cancer

فشل الرئة lung failure

الانسداد الرئوي Pulmonary embolism

وممكن تكون جدآ خطيرة اذا كان عندك سكري او مرض بالقلب .

العلاج يكون بمعالجة السبب اذا وجد

اعطاء كمية اوكسجين كافية للمريض

اعطاء مغنيسوم وبوتاسيوم بالوريد ..

اذا كان المريض ياخذ دواء theophylline فيتوقف عن اخذه

واخذ دواء لتقليل ضربات القلب مثل calcium channel blockers (verapamil, diltiazem) or beta-blockers

,,,,

الحالة الثامنة . وهاي جدآ شائعه والي عليها معظم للامراض

ATRIAL FLUTTER .

ارتعاش اذين القلب .

راح تطبق القواعد راح تلكة ضربات القلب بين 250 الى 300 ... والموجة P ضايعة . والشكل يكون يشبه Saw tooth سنون منشار . راسا تشخص الحالة . هذا المريض عنده رجفان اذيني .

الاسباب وراء هذا المرض .

اول واخطر سبب مرض الشريان التاجي

انسداد بشرايبن القلب

فتحة في القلب

الاجهاد.

العلاج بهاي الحالة يعتمد عل رئي الطبيب . لازم المريض يزور الطبيب .

,,,,

الحالة التاسعة . Atrial fibrillation

رجفان القلب .

تطبق القواعد راح تلكه معدل ضربات القلب فوك ال 400 وغير منتظم . وماكو الموجة P ولا الموجة T مجرد خط مستقيم . . راسا تشخص هاي رجفان .

الاسباب

احد اجزاء القلب معطلة .

ارتفاع ضغط الدم

سكتة قلبية

امراض الشريان التاجي

امراض من الولاده

مرض في صمامات القلب

كثرة القهوة والكحول

مرض في الغدة الدرقية

امراض في الرئة

توقف التنفس اثناء النوم

ممكن الرجفان يؤدي للسكته القلبية او فشل في القلب .

,,,,

الحالة العاشرة.

خلل في كهربائية القلب . خروجها من نقطة

Av Junctional escape Rhythm

هذا تكدر تميزه من خلال نقطتين . الموجة P يكون اتجاه للاسفل . والشغلة الثانيه . مدة الPR تكون 12 الى 15 ثانية . طويلة نوعا ما .

الاسباب هو انسداد في نقطة AV.

,,,,,

الحالة الحادية عشر . نبضه غير مكتملة . Premature junctional Rhythm .

PR تكون طويله نوعا ما .

وينطبق عليها الكلام في الي سبقها .

,,,,

الحالة الثانية عشر .

خفقان وتسارع . . Junctional Tachycardia .

نطبق القواعد راح نلكه ضربات القلب 160 وفوك والموجة p باتجاه للاسفل ولا يوجد الموجة T . وال PR . 12 مربع صغير

اسبابها ممكن تكون فشل القلب او مرض SSS .

,,,,

الحالة الثالثة عشر . عدم انتظام دقات القلب . SVT.

Supraventricular Tachycardia .

يكون منتظم ولا نستطيع التمييز بين الموجات .

اسباب

خطا في توصيل كهوبائية القلب

او تعاطي علاج digoxin or theophylline.

,,,,,,

الرابعة عشر . Paroxysmal Atrial Tachycardia .

اذا تلاحظ عل صوره راح تشوف نفس الي سبق منطبق لكن بتسارع . والموجة P شكلها يختلف .

موضح بالصوره .

الاسباب غالبا تكون متلازمة بارنكسون .

.او الاكثار من الكحول والكافيين والتدخين او حبوب كبسلة .

,,,,,

الخامسة عشر . Idioventicular Rhythm .

هنا المشكله اصبحت في البطين . وممكن نميزها من خلال الصورة . ال QRS يكون حجمها اكبر من الطبيعي . ولا يوجد موجة P او T . معتدلة وضربات القلب جدا بطيئة .

الاسباب احتشاء عظله القلب

ارتفاع الادرينالين

بعض الادوية مثل digoxin.

مرض في عضلة القلب

الوقت الذي يأتي بعد الاصابة بالسكتة القلبية .

,,,,,

الحالة السادسة عشر Premature ventricular contraction

وهاي تكدر تعرفها بدون حسابات من خلال الشكر . اكو موجة جديدة ظهرت بين ال P وال QRS . ينطبق عليها الكلام السابق. لكن ما بيها خطورة تذكر اذا تم معالجتها

,,,,,,

. الحالة السابعة عشر . هذا جدا خطير ventricular Tachycardia . الخفقان الي يحصل ببطين القلب .

ممكن تعرفه من خلال الموجات . عل شكل اسنان سمكة قرش . ماكو موجات غير ال R وكبيره الحجم

ودائما اعراض الدوخة والاغماء تكون مصاحبة . وتكون سببها خلل في عضلة القلب .