يوميات دكتور
فمه مرة كتبت دواء لمريض بقى يستعمل فيه مدة منظم و لباس عليه ياخي جاني يعد مديدة داخل بعضه و متغشش علي ...
اش فمه لباس ؟؟؟ قلي كيفاش تعطيني دواء مكتوب عليه في notice يمكن ان يؤدي الى الموت !!!
بنته مدت تقرى في الورقة و قتلو شوف طبيبك عطا ك دواء يمكن ان يؤدي الى الموت ... قلي انت تحب تقتلني ؟....
تذكرت الحكاية هذه كي سمعت الي تمت المصادقة على قانون المسؤولية الطبية ....
الدواء هذاك من امريكا وين اهم حاجة غادي هي مشاكل التأمين و بره انا كتبلك يؤدي الى الموت و مهما يصيرلك من الدواء ما عندك ما تشكي بيّ ..
واغلب الادوية غادي مكتوب عليها نفس الشي ... ابدى من paracétamol efferalgan doliprane panadol الي في تونس يشربو فيه على بعضه و هو مكتوب عليه قد يؤدي الى الموت زاده
نفس الدواء في دول اخرى مش مكتوب في notice متاعه "قد.يؤدي الى الموت"....
مفمش دواء ما فيشي مضار جانبية
مفمش عملية ما فيهاش تعقيدات و خطر موت
مفمه حتى شي مضمون
يعني مثلا كيف تقول لمريض مش نعملك عملية على المرارة و يلقى من بين المخاطر الممكنة الوفاة مش يقبل يصحح ؟ و الا مش يقول تحب تقتلني ؟ ....
يظهرلي مش ندخلو في ممارسة جديدة للطب في تونس ... ممارسة تدخل فيها تكمبيصات اخرى من شركات التأمين و قضايا و محاميين و مش يولي كل طبيب باش يحمي روحه يفسر كل شي كلللللل شي للمرضى و يبدى بأنه قد يؤدي للموت ....
الا التدخين ... الكل يعرفوه يؤدي للموت و مخلصين ليه و ماشكى بيهم حد
No comments:
Post a Comment
اكتب تعليق حول الموضوع