شبيك جبتلي "novadol" مش وصيتك بش تجيبلي " Doliprane" ؟؟ 

نتصور برشا فينا تسألو سؤال كيما هذا هاكا علاش اليوم قررنا نحكيو على الدوايات لي موجودين في كل دار و نستعملو فيهم كل يوم و نلقاو مثال : Doliprane, Panadol , Dafalgan , Efferalgan و القائمة تطول 

و الي ما يعرفوشي أغلب العباد الي الدوايات هاذوما هوما في الحقيقة molécule وحدة و الي هي  ال acetaminophen او ما يعرف بال PARACÉTAMOL  . و الي نستعملوها ك antalgique و الا antipyrétique او بطريقة مبسطة بش نقصوا الوجايع كيما وجايع الراس ٫ السنين٫ المفاصل٫ les règles douloureuses و الا زادة بش نهبطو بيها السخانة. 

الحاجة الباهية انو استعمالها ما يقتصرش على فئة عمرية معينة ٫ ينجمو يستعملوه الكبار و الصغار و حتى النساء الحوامل و المرضعات بالاضافة انو يتميز على برشا أدوية أخرى على خاطرو ما يسببش تهيجات في المعدة كيما aspirine مثلا أما هذا ما يعنيش انو ما يسببش أضرار في حالة الاستعمال المفرط (يعني إذا تجاوزنا 4g/JOUR )نذكرو منها : 

- insuffisances rénale et hépatique

- un saignement gastro-intestinale (نزيف في الجهاز الهضمي)

-encéphalopathie (أمراض الدماغ) 

-une atteinte de pancréas 

- une diminution des plaquettes (لي هوما زادة ينجمو يتسببو في تعب و سخانة )

- un coma voire un décès  

و ما غير ما ننساو الي في حالة الاستعمال الموازي ل برشا ادوية فيها ال paracétamol ..لازمنا ناخذو بعين الاعتبار الكمية الموجودة في كل دواء منهم de façon que la somme totale  ما تفوتش  زادة 4g/JOUR . من ناحية أخرى مدة الاستعمال تمثل زادة facteur de risque  للأمراض لي ذكرناها  

بالطبيعة فما des cas particuliers الي تكون فيهم الجرعة القصوى أقل مالمعتاد (3g/jour)  و الي هوما: 

- déshydratation ( نقص الماء في البدن)

-mal nutrition (سوء التغذية)

- dépendance à l'alcool (الادمان على الكحول)

- une hépatite virale chronique (التهابات الكبد)

-mucoviscidose (مرض جيني وراثي يتمثل في التهابات في الجهاز التنفسي)

- atteinte du SIDA .

نجمو نلقاو ال paracétamol في شكل حرابش ٫ suppositoirs ,sirop ... 

و في الاخر نحب نشكر ال paracétamol على وقفتو معايا خاصة في période des examens