حبيت نحكيلكم مأساتي و وجيعتي أنا الي خسرت وليدي بسبب طبيب بهيم حشاكم
حاصيلو مرض ولدي فبالي قريب لكن عينيه ولات صفراء و بدنو أصفر فبالي بوصفير كيف أي أم باش تداوي بالعربي و زيد من غدوة هزيت عديتلوا عند الدكتور عطاه دواء و طلب مني نعملوا تحاليل عملتهم و رجعتلوا قلي ولدك عندو l'hépatite و نقص فالحديد و عطاني دواء )efferalgan +fer +plus +clamoxyl+albutol phosphorus)
خذيت الدواء و بديت نستعملوا فيه ملي شربتوا الطفل ماشي و يتعب أكثر ولى يبكي باااارشا و موش مرتاااح ولىagressif يعض و ما يهبطش من حملتي جملة و زيد لاحظت أنو كرشو ولات منفوخة و صفاااارت أكثر و les testicules متاعو زادة تنفخو هذا بعد نهار ملي استعملت الدواء في الليل كي فقت بيه هزيتو للاستعجالي قالولي بيبي محصورة لازم نعاونوه حاصيلو من غدوة رجعت بيه للدكتور فتحي العامري شعل فيا و قلي شبيك علاه هازتو ماني قتلك استعملوا الدواء لباس عليه هزيت ولدي و روحت وأنا كيف المهبولة ونرى في وليدي ماشي و يذبااااال و يتعب أكثر عاودت طلبتوا بالتلفون و سألتوا قتلو راو ولدي تاعب بارشا و موش كيف العادة فسرلي و قلي كان بوصفير ضربلو الكبدة قلي أنا راني موش فاهمة شئ قالي لا لباس استعمل الدواء اذاكة و لباس
نعاود نرجع بيه للاستعجالي في الليل طاحت بيا طبيبة بنت حلاال قاتلي ننصحك هز ولدك لسوسة فعلا من غدوة الصباح هزيتو لسوسة للدكتور الحبيب السالمي ملي شافو و شاف التحاليل الي طلبهم العامري تصدم كتبلي جواب و قلي توة تمشي ترقد بيه فالتحاليل الكبدة تخدم بنسبة 54% أكهو يعني وقت هزيتو للعامري طلب مني تحاليل لا يعرف يقراهم لا شئ حلة ولدي أستعجاااالية و لازمو يرقد فالسبيطارو يتلقى العلاج كامل و نزيدكم زيادة فالحالة متاع ولدي الدواء الي خذاه غاااااااالط و زاد هلكو خاطر كبدتو تاااعبة ما لازموش دواء السخانة و فعلا كيف هزيتو لسبيطار سهلول عادو التحاليل لقاو الكبدة تخدم بنسبة 14% أكهو يعني زاد ضرو الدواء و هلكلوا الكبدة أكثر و أكثر
و ألي يشوف حالة ولدي و تحاليلو يتصدم يقلي كفاه التحاليل من نهار الثلاثاء و انت جايبتوا ليوم الجمعة حالتو إستعجااالية و يزيد نقلهم اش استعملت دواء يبقاو مصدومين
ولدي مااااات و معاش يرجع حسبي الله و نعم الوكيل فيك يا فتحي العامري يرزيك فالعزيز عليك إن شاء الله تلقاه في صحة بدنك و ضو عيونك حسييييبك ربي يشويك كيف ما شويتني كنت نجم ننقض ولدي و يتداوى و يعيش أما انت السبب في كل الشئ حلتو إستعجالية و ما قتليش كبدتو تاعبة و لازمو يتداوى التساجيل الكل عندي و التحاليل و الدوايات الي عطيتهملو باش هلكتلو الكبدة أكثر و أكثر
ولدي طلع لا عندو بوصفير و لا شئ بعثولو تحليل لفرانسا مزال ما طلعش باش نعرفوا سبب تعب الكبدة أما ولدي ماااات قبل ما نعرف
في بالي هزيتو لدكتور كبير و مطمنة عليه
Comments
Post a Comment
اكتب تعليق حول الموضوع