ليوم رايح نهدر على تصرف خاطىء كاين بعض الناس يديروه و يعرضو صحتهم للخطر للأسف :
راسي يوجعني و ضاربني البرد نروح نشرب حبة Doliprane لراسي و نزيد Dolirhume ياك غير ضربة للبرد و حتى من بعد شوية نزيد نشرب Efferalgan ياك مليح للسخانة شرباته جارتي و ريحت عليه
هادو أدوية الأسماء التجارية تاعهم مختلفة لكن في الحقيقة هم دواء واحد أي عندهم مادة فعالة واحدة لي هي باراسيتامول
هاد البراسيتامول عنده مشكلة ⚡ هي أنك ما لازمش تفوت الجرعة المحددة لأنو هاد المادة سامة للكبد رايحة تمرضلك الكبد تاعك و تولي فالمشاكل
إذن كي تاكل هاد الأدوية و أنت داير في بالك راهم أدوية مختلفة و هم في الحقيقة عبارة عن مادة واحدة لي هي البراسيتامول رايح تفوت الجرعة الموصى بها و طيح فالجرعة السامة و تهلك الكبد تاعك للأسف
أمثلة عن أدوية أخرى تحتوي على البراسيتامول :
Biovex , Dafalgan , Dolyc , Codofebril , Dofebril , Dolpriv , Fervex , Humex Rhume , Panadol .....
و القائمة طويلة إذن حذار
فالأخير نصيحتي لكم : استشر الطبيب ، استشر الصيدلاني و حذار من التداوي الذاتي
دمتم سالمين
Comments
Post a Comment
اكتب تعليق حول الموضوع