مادة ال "celecoxib" اللي موجوده في كذا دواء؛ أشهرهم ال "celebrex" وال "arythrex" ،

 والأدوية دي تعتبر NSAIDs اللي هي "non steroidal anti inflammatory drugs" لكنها مميزة عن باقي الnsaid ! 

وده لإن معظم أدوية ال nsaids زي البروفين ومثايله بتبقي non-selective ، يعني بتعمل inhibition لكلا من ال "cox-1" وال "cox-2" .

طب برضه مش فاهم ..!!! 

بص يابو الدكاتير .. انت عندك نوعين من ال cox ؛ 1 و 2 .. ال1 دي من مسئولياتها انها بتفرز "mucus" من خلايا المعده ؛ يعني بتعمل طبقة تحمي المعدة .. إنما ال 2 بقي دي المسئول عن تكوين البروستا جلاند المسئول بدورها عن الاحساس بالآلم .

يبقي كده البروفين ومثايله زي ماقولنا non selective يعني هيمنع الاتنين وبالتالي هيشتغل مسكن كويس بس في نفس الوقت لانه شغال علي ال cox-1 المعدة هتبقي معرضه اكتر للقرح .. علشان كده كترة ادويه ال nsaids ال non selective بتعمل قرح علي المعده .

إنما ال celebrex ومثايله بيشتغل علي cox-2 بس اللي هي مسئولة عن تصنيع البروستا جلاند اللي هي بدورها مسئولة عن الاحساس بالآلم وبالتالي فهتبقي آمنه علي المعدة.

-سعر ال celebrex 200mg في السوق المصري 113.5 للعلبه ال 3 شرايط "كل شريط فيه ٥ كبسولات".

-سعر ال arythrex 100mg برضه 72 جنيه للعلبه. شريطين"الشريط ١٠ كبسولات" .

وبكده تبقي المعلومة خلصت ،هي سهله وبسيطه بس مهمه  وياريت اللي استفاد منها يقول ويعمل منشن علشان غيره يستفيد .

ولو فيه أي تعليق سواء ايجابي او سلبي او اي اضافه حابب تنضاف يعرفني .