مرض شلل الرعاش

بنسمع عن مرض شلل الرعاش أو مرض باركينسون لكن منعرفش عنه كتير على الرغم من أنه مرض مشهور بين الناس.
في البوست دة هنعرف أكتر عن مرض شلل الرعاش وأعراضه.
إيه هو مرض باركنسون؟
هو بيكون مرض عصبي بيؤثر على الحركة، الأعراض بتبدي فيه بشكل تدريجي عادة بيكون برعشة خفيفة في إيد واحدة حتى بيكون صعب جداً ملاحظته، وبعد كدا بيحدث بطء في الحركة وتصلب في العضلات.
في المراحل المبكرة للمرض أحياناً بتظهر بعض التعبيرات على الوجه و ممكن لأ، وأحياناً الإيدين بتتهز أثناء الحركة والكلام بيبقى مش واضح أو ضعيف و تسوء الأعراض مع تقدم المرض.
طب إيه هي أعراض مرض شلل الرعاش؟
بتختلف أعراض مرض شلل الرعاش من شخص لآخر، أحياناً بتكون الأعراض الأولية خفيفة و صعب ملاحظتها، وأحياناً بتكون على جانب واحد فقط و أحياناً شدتها بتزيد على الجانبين ولكن بتنحصر في الأعراض الآتية:
1. رعشة في أحد الأطراف، بتكون عادة في الإيد أو الأصابع وبتبقة شبه حركة الفرك بين الإبهام والسبابة.
2. الحركة البطيئة إللي بتزداد بطئاً مع تقدم المرض، بحيث تكون المهام البسيطة شئ صعب و الخطوات تدريجياً بتبقى أقصر وحتى المشي والقوم من السرير بيتحول لشئ صعب.
3. تصلب العضلات في كل الجسم إللي بيأدي لقلة الحركة و الألم.
4. ضعف وضع الجسم وقدرته على التوازن.
5. فقدان القدرة على الحركة بحيث تقل القدرة على الحركة الطبيعية و الحركات إللي بنكون مش واعيين ليها زي تحريك الرموش أو تحريك الإيدين أثناء المشي.
6. تغيرات في القدرة على الكلام، وضعف القدرة على إخراج الحروف فيصبح غير واضح أو مفهوم.
7. فقدان القدرة على الكتابة
مهم جداً زيارة الطبيب المختص عند ظهور أي عرض من الأعراض دي، مش بس عشان التشخيص ولكن التحكم في أسباب ظهوره و منع أي مضاعفات.
عشان كدا مترددش أبداً في طلب المساعدة الطبية المتخصصة