علاج بيبيكال شراب

.

علاج كالما بيبي .

قطره فنستيل .

كلها ادويه تطلب من الصيدليات من قبل الامهات لتخلص من ازعاج البكاء بسبب المغص عند الاطفال او لجعل الطفل ينام لتنام الام .

اتطرق لعلاج بيبي كال وهو كما يعرفون الزملاء لبناني الصنع .

الله يحفظ لبنان واهلها من كل سوء. 

وسعره بالصيدليات العراقيه 5000 دينار عراقي  .

وهذا العلاج يتكون من ثلاث مواد كلها تنوم وتخلي الطفل لو نايم لو سكران !!! اي فعلا سكران لان تصوروا واحد ياخذ ماده يستعملونها للتنويم قبل التداخلات الجراحيه .

فاذا اخذها طفل ينام لو لا ! طبعا ينام .

وهاي الماده اسمه كلورل هيدريت وتركيزها بهذا الشراب هي بكل 5 مل 75 ملغم وهو بصراحه تركيز جدا كبير .

والماده الثاني هي انتي هستامين من النوع الذي يسبب نعاس وايضا نصرفه للكبار حتي يعالج الذين يصابون بالارق يعني ما يكدرون ينامون ويخليهم ينامون !فشلون اذا بالاطفال اكيد يسطرهم سطر . 

وللعلم هاي الماده اسمه دايفينهايدرامين .

والماده الثالثه ماده ضد التقلصات وايضا لها تاثير مهدئ نوعا ما .

والمشكله الاكبر ان الشركة المصنعه تكول هذا العلاح نكدر نصرفه من عمر الطفل يوم واحد الي اكبر عمر !

يعني تصور وياي طفل عمر يوم او يومين وتنطيه ثلاث مواد منومه ومثل ما وصفته لكم وحده منهن حتي بالعمليات نستعملهن فشنو يبقي بقدرات هذا الطفل الذهتبه او العقليه .

اني اتوقع كما يقول العراقيون . تطفئ عنده من بيجي… 

ويضل طول عمره بدون جهاز عصبي .

وبالمدرسه ما شاء الله لاتنتظر منه نتيجه .

واعتقد هذا انتقام من الطفل مو علاج تهدئه .

عمي هاي الاردن جيرانا منعوا الماء الغريب لان يخلي الطفل ينام وخاف يأثر علي تطور الذهني عنده .

واذا انتي هيج مالج خلك الطفل بحيث جايبه هيج سم ومنطيته عمي لاتخلفين احسلج وابقي بدون اطفال .

لذا ننصح بعدم استعمال هذا العلاج والاكتفاء ببدائل امنه مثل قطره colicEZ.  او ماء غريب فهو ائمن .

وما اعتقد اكو هيج داعي بحيث نوصل الطفل لمرحله البنج او التخدير .

لذا انصح ترك وصف هذا العلاج فقط من قبل الاطباء للحالات التي يرونها حرجه وتستدعي ذلك .