هنكلمك انهارده عن طريقه عمل اختبار الحمل الصحيحه وده ليه بقى؟
علشان حضرتك دايما بتنزعجي من اختلاف النتايج
بين اختبارك في البيت ونتيجه المعمل
اولا لازم تعرفي ان الاختبار بيتم عن طريق قياس تركيز هرمون الموجهه للغدد التناسليه المشيمائيه يعنى بتفرزه المشيمه.
وعلشان بينا ناس اصحاب مجال نقولهم
Human chrionic gonadotropin. او hcg
الهرمون ده انا بكتشفه بطريقتين(البول ومصل الدم)
حضرتك طبعا بتجيبي الاختبار من الصيدليه
زي الفل ونجيب عينه البول بردو زي الفل بس لغايه هنا وتعالي بقى اعرفي الطريقه الصح للاختبار
1_ يفضل اول عينه في الصباح علشان تركيز الهرمون بيكون قوي
2-اتكرمي واقري التعليمات اللى على شريط الاختبار
هتلاقيه مكتوب مده الاختبار من 5-10دقائق
وده معناه ان اي نتيجه هتظهر بعد الوقت المحدد لا يعتد بها
ونقف هنا وقفه صغيره
تلاقي السيده تيجي تقول انا عملت واحد وطلع شرطين واحده منهم خفيفه خالص.
حلو بس ياترى بعد كام دقيقه شوفتي الشريط ده
بص يادكتور
انا لغايه مطبخت وغسلت وعجنت وخبزت.... الخ
روحت ابص ع الشريط لقيته جاب شرطتين
انتى عارفه يا مدام لو كنتى غيرتي للعيال بالمره
كان ممكن يبقى ثلاث شرطات كمان
ايتها السيده الفاضله الشريط ده لما يعدي عليه وقت بيتفاعل مع اي مؤثرات خارجيه
والحته دي بتسبب زعر لناس كتير تيجي فرحانه انها حامل وفجاه اختبار الدم يطلع سلبي.
3- صلاحيه الاختبار خدي بالك منها كويس جدا
لان لو الصلاحيه منتهيه هتاثر ع النتيجه
4-لما يظهر معاكي في البول عليك بالتوجه لاقرب معمل للتاكيد بالدم
متى يظهر الحمل في البول ومتى يظهر في الدم وايهما ادق
في الدم من 7-12يوم من تلقيح البويضه
في البول من 12-14يوم
ايها ادق القصه مش قصه ادق المساله مساله وقت
بيظهر في البول بعد ما يعلى تركيزه في الدم يعنى الدم بيظهر الاول.
No comments:
Post a Comment
اكتب تعليق حول الموضوع