الأدوية اللي بتبقي في سرنجات متعبية جاهزة

 ، زي  الأمصال ،  الهرمونات ، أدوية السيولة زي الكليكسان و غيرها .. بتلاقي في السرنجة الصغنونة دي فقاعة هواء .. 

السؤال هنا ، نخرج الهواء ده ولا لأ .. 

لو الإجابة أيوة نخرج الهواء ، طيب الشركات حاطاه ليه ؟ زيادة تكلفة يعني ما ده هواء معقم .. 

ولو لأ نسيبه ، طب إيه أهميته ؟ موجود ليه ؟ 

خلينا نجاوبكم   

الهواء ده هانسيبه زي ما هو مش هانخرجه ، بالعكس أنا هالف السرنجه و أخلي الهواء ده يبقي موجود ف آخرها و هاحقنه مع العلاج .. طب ليه ؟ 

أولا ، لو حضرتك حاولت تخرج فقاعة الهواء دي ، فا فيه خطورة انك تضغط عالمكبس بزيادة فا تخرج معاها حبة من الدواء ، يبقي كدة أنا تيجي تحقنها مش هاتوصل جرعة دواء كاملة للمريض 

ثانيا , البالونة الصغنونة دي بعد الحقن ، بتعمل غلاف بين المادة الدوائية و بين مكان خروج السن بتاع السرنجة ، فا مفيش جزء يرجع من الدواء بره مكان اعطاء الحقنة زي ما بتشوف في حقن العضل 

ثالثا ، الهواء اللي موجود ده بنقول انها بتعمل تركيز للمصل في منطقة الحقن ، فا لو عندك حساسية منه هاتظهر مكان الحقن ونلحق نتصرف قبل ما تبقي صدمة للجسم كله ...