معلومات دوائية بسيطة

 

 ولكن هامة جداً ومُفيدة 

 

,,,,, أدوية التهاب المعدة والحرقان - تؤخذ قبل الفطار بنص ساعة مثل 

Pariet- Nexium- Pantoprazol

,,,,, أفضل وقت للڤيتامينات الصبح

وتاخد اللي جسمك محتاجه وعندك نقص منه مش ناخد على الفاضي والمليان

,,,,,, أدوية الحساسية وأغلبية ادوية الرشح والبرد تؤخذ في المساء قبل النوم لان بعضهم يسبب النوم والبعض الآخر يسبب الاحساس بالنعاس والدوخة - فالأفضل تاخده وتنام مثل 

Zyrtec- Aerius-Telfast

,,,,, أدوية الكوليسترول تؤخذ قبل النوم / المساء لأن عملية إنتاج الكوليسترول من الكبد تتم بمنتصف الليل

,,,,, ادوية الثيروكسين ( دوا الغدة ) تؤخذ على معدة فاضية لان شغلها وكفائتها بتزيد ، خدها قبل الفطار بساعة او اكتر مش اقل .

 الأفضل ما ننسى الجرعة 

لان الثيروكسين هورمون 

يعني مش دوا عادي ومن تنظيم مستواه بالجسم تنتظم عمليات اخرى كتير 

ودائما ننبه على المرضى تظبط منبه ممكن على الفجر مثلاً ... تاخد الثيروكسين ومعدتك فاضية وافطر بعدها بوقت كويس لما تصحي 

,

طيب نسيت  ؟؟ 

تاخد الجرعة بمجرد ما تتذكرها واهم حاجة فعلا تكون معدتك فاضية ، وكمان يكون الوقت المتبقي على الجرعة اللي بعدها مش اقل من 12 ساعة ، اذا ما ظبط ، عدي الجرعة دي  

Skip the dose

 وخد الجرعة التالية في ميعادها العادي ونفس الجرعة 

اوعي تاخدالضعف علشان تعوض اللي فاتتك

,,,,, أدوية الحديد - ناخدها قبل الأكل بساعة أو بعد الأكل بساعتين ويُفضل مع ڤيتامين سي لانه بيزود إمتصاص الحديد ،، الحديد ممكن يلون البراز بلون غامق او اسود واحيانا يؤثر على لون الأسنان وتصبح غامقة ، وممكن يسبب إمساك ، 

 (أعراض مؤقتة تختفي بعد توقف الحديد)

,,,, لا تأخذ أي دواء مع الحديد بنفس الوقت ( ما عدا فيتامين سي ) لانه ممكن يتفاعل معها ويكون مركبات معقدة ، 

ولا هتستفيد من الدوا ولا من الحديد 

,,,,,, لو الطبيب كتبلك دواء فيه سلفا 

خلي بالك ممكن يعمل حساسية راقب نفسك و تشرب ميه كتير للحفاظ على الكلى من السلفا .

,,,,, الأدوية المُسكنة للألم والصداع تؤخذ بعد الأكل لتجنب اثارها السيئة  على المعدة مثل البروفين الڤولتارين والكتافلام وغيرهم 

,,,,, الناس الي بتاخد أسبرين على طول ( مرضى القلب والضغط ) ماياخدوا البروفين معاه بنفس الوقت لانه بيلغي مفعوله

,,,, المضادات الحيوية مهمة وعايزة بوست لحالها 

بس مبدئياً الى ان انزل بوست خاص بها 

نتناول الكورس كامل وما نوقف المضاد حتى لو اختفت أعراض  المرض ونلتزم بكل التوصيات الخاصة به 

,