ايه هو الفطر الاسود اللي بنسمع عنه ده في الهند ؟
هو فطر يصيب الانسان اللي مناعته قليله بسبب مرض مزمن او بعد إصابته بفيروس .
طب ليه انتشر كدا ؟
انتشر كدا بعد موجه الكورونا لان الجسم في الحاله دي بيكون ضعيف لسه مش قادر يقاوم فطر او عدوي جديده .
طب هو الفطر ده خطير و مميت كدا ؟
في الطبيعي لا ده فطر ليس مميت و لكن إذا اصاب جسم مناعته ضعيفه زي حالات بعد الكورونا او أمراض مزمنه عامه مع الكورونا بيكون فرصه الشفاء منه قليله .
طب هو أعراضه ايه ؟
انسداد بالانف و تورم و ألم بالعين و حولها و قشور سوداء جافه في الانف ،ألم و صداع في نصف الوجه لا يستجيب للمسكنات، حمي ،تورم بالوجه كله ،قرحه بالجلد ،و في بعض الحالات الخطيره سعال دم ، ضعف في الرؤيه .
طب ده بينتقل ازاي ؟
الفطر ده بينتشر في الأماكن الرطبه زي التربه بتساعد علي تكوين العفن و بيهاجم الجهاز التنفسي .
يصاب الانسان باستنشاق جراثيمه المنتشره في الهواء و بعدها بيهاجم الانف و الجيوب الانفيه او الرئتين.
و في تقارير انه بيوصل للمخ.
ازاي احمي نفسي و اللي بهتم بيهم منه ؟
ده بيكون خاصه للمتعافين من الكورونا و اللي عندهم أمراض مزمنه زي سكر او ضغط او سرطان بيكون بتغيير الكمامات اللي بلبسها (لو مضطر البس نفس الكمامه يبقي تتغسل الكمامه و تتهوي كويس في اشعه الشمس المباشره ) و تغيير الجوانتيات بصفه مستمره و الاهتمام بالنظافة و التجفيف المستمر و كمان لازم ناكد ان اخد المضادات الحيويه و الكورتيزون يبقي تحت إشراف طبي .
اعمل ايه لو شكيت في الاعراض و انا مناعتي قليله ؟
لازم اروح لطبيب متخصص لان في عينه تؤخد لتأكيد الاصابه مع استخدام بخاخ مضاد للفطريات .
هو الفطر ده ليه علاج ؟
اه ليه ادويه مضادات للفطريات بتكون مكلفه و الأهم ان الانسجه المصابه بيتم استاصلها بمعني انه اذا اصاب العين بيتم إزالتها.
No comments:
Post a Comment
اكتب تعليق حول الموضوع