اشهر المواضيع في الأنف و الاذن و الحنجره بشكل مختصر
هنتكلم عن اشهر المواضيع في الأنف و الاذن و الحنجره بشكل مختصر و بسيط في صوره سؤال و جواب .
حساسيه الانف
يعني ايه حساسيه الانف؟
هي تفاعل بين الاغشيه المخاطيه المبطنه للانف و عامل خارجي .
طب هو ايه العامل الخارجي ده ؟
ده ممكن يكون تراب او حبوب اللقاح في وقت تغير الفصول او الموكيت او السجاد اللي مش بيتغسل بصفه مستمره او ملايات السرير اللي مش بتتغير بصفه مستمره كمان البرفانات او المنظفات ذات راءحه نفاذه.
طب التفاعل ده بيعمل ايه ؟
بيعمل اعراض حساسيه الانف
ايه هي بقي اعراض حساسيه الانف ؟
العطس المستمر و سيلان الانف و الحكه المستمره في الانف .
طب اتأكد ازاي ان دي حساسيه انف ؟
في اختبارين الاول بيبقي عينه دم بنشوف الأجسام المضاده للمؤثرات المختلفه و التاني بيبقي عن طريق الجلد و ده بطريقه معينه .
طب اخر و أهم حاجه ايه بقي العلاج ؟
العلاج أهم حاجه هي الوقايه بتجنب العامل الخارجي اللي اتكلمنا عنه
طيب ده بيبقي صعب في معظم الاوقات
هنا يبقي في طريقين اما بتخفيف الأعراض او العلاج بشكل نهائي
تخفيف الأعراض بيبقي باستخدام محلول الملح او لتر مايه متفلتره او مغليه علي نصف معلقه ملح و بيستخدم لتنظيف الانف و ترطيبها مره الصبح و مره لما نرجع من بره .
طب استخدمته و لسه في اعراض شديده و مش مرتاح هنا و عند اللزوم بستخدم الادويه زي مضادات الهيستامين زي اللوراتيدين (كلارتين ) .
و هنا لازم نحذر من استخدام نقط الانف القابضه للشعيرات الدمويه ( بيكون مكتوب عليها كدا ) اكتر من خمس ايام لأنها بتسبب مشاكل اكبر من حساسيه الانف .
العلاج بصفه مستمره بيبقي العلاج المناعي و ده مكلف و مش متوفر في كل الدول .
Comments
Post a Comment
اكتب تعليق حول الموضوع