*ما هي الجيوب الانفيه ؟
هي مجموعه من التجاويف الهوائيه في عظام الجمجمة و الوجه .
*ايه أهميتها؟
تقلل من وزن الجمجمه، تعطي رنه للصوت .
*ايه انواعها ؟
الفكيه، الجبهيه، الغرباليه ، الوتديه.
*فين أماكنها؟
تحت العيون ، فوق العيون ، بين العيون ، داخل الرأس(تتواجد في ازواج ).
* ايه انواع الالتهابات التي تصيب الجيوب الانفيه ؟
الالتهابات الحاده ، المزمنه ، الحاده فوق المزمنة، الفطريه .
*ايه اسباب التهاب الجيوب الانفيه ؟
الحساسيه الانفيه ، الالتهابات البكتيريه او الفيروسيه (احيانا الفطريه ) في الاغشيه المخاطيه المبطنه للجيوب الانفيه تؤدي الي تورم في هذه الاغشيه المبطنه و تقلل من تصريف السوايل و بالتالي تتجمع السوايل و الافرازات و تكون مكان مناسب للالتهابات.
*ايه أعراضها؟
صداع و الم حول العيون ، رشح بماده كثيفه (احيانا بلون أخضر و ذات راءحه ).
*ازاي اتأكد؟
التاريخ المرضي و الكشف الاكلينيكي و صوره الاشعه المقطعية للجيوب الانفيه .
*ايه العلاج؟
مضاد حيوي ، بخاخ الكورتيزون ، دواء للحساسية لمده اسبوعين ، في تحسن اسبوعين كمان علي العلاج و متابعه التحسن .
*ايه هي عمليات الجيوب الانفيه ؟
في حاله مفيش تحسن بالأدوية، عمليه الجيوب الانفيه اللي بتكون بالمنظار من خلال فتحات الانف ( دلوقتي بقي فيها تطور كبير) لازاله اي زوائد لحميه و توسيع فتحات الجيوب الانفيه .
*ازاي اتجنب التهاب الجيوب الانفيه ؟
معالجه الحساسيه الانفيه في بدايه مراحلها، الغسول بالمحلول الملحي و تنظيف الانف ، النوم علي وساده مرتفعه نسبيا (لمساعده تصريف اي تجميع للسوايل بالتجاويف الانفيه )،الحصول علي عدد ساعات راحه كافيه ، شرب الماء بصفه منتظمه ، ترطيب اغشيه الجيوب الانفيه .
No comments:
Post a Comment
اكتب تعليق حول الموضوع