*ليه اسمه العصب السابع ؟
العصب الوجهي السابع هو العصب رقم سبعه في الأعصاب المخيه.
*ايه اهميته؟
العصب ده بيتحكم في العضلات علي جانبي الوجه (المسؤله عن الضحك ،البكاء،الابتسام، ..) بمعني اي أصابه به تؤثر علي تعبيرات الوجه الحركيه .
*ايه اعراض شلل العصب السابع ده ؟
شلل في عضلات الوجه أو ضعف و فقدان السيطره علي التحكم بها ، زياده افراز اللعاب و الدموع(العصب ده كمان ليه وظيفه افراز للغدد ) ، عدم القدره علي الكلام ، جفاف العين و عدم القدره علي غلقها ،اضطراب بحاسه التذوق ، ألم بالاذن .
*ايه أسبابه؟
حوادث الوجه ، بعض الجراحات الخاصه بالاورام، عدوي فيروسيه في الوجه أو الاذن ، في بعض حالات جلطات المخ ، التعرض لتيارات الهواء البارد ، الكحوليات و بعض السموم ، كثير من الاحيان بيكون السبب غير معروف .
*هل يحدث في الاطفال ؟
نادر الحدوث في الاطفال و لكن بعض الحالات تم تسجيلها .
*ايه علاجه ؟
هنا بيكون في جانبين للعلاج :تقليل تلف المزيد من الالياف العصبيه للعصب ده ، و علاج للحفاظ علي قوه العضله الموجوده و محاوله استعاده قوتها .
و ده بيبقي بالكورتيزون بجرعات محدده لوقت معين (تحت إشراف طبي ) مع ادويه مضاده للفيروسات و ادويه تساعد علي وصول الدم للعضلات، ده بجانب العلاج الطبيعي ، طبعا الاهتمام بالعين هنا بيكون ضروري بالقطرات البديله للدموع .
*ازاي احمي نفسي و اللي بهتم بيهم؟
مهم جدا تغطيه الاذن جيدا في الهواء البارد و تجنب التعرض لتيارات الهواء البارد ، عدم محاوله فتح الفك الي أقصي درجه ممكنه لان ده بياثر علي العصب السابع بشده .
No comments:
Post a Comment
اكتب تعليق حول الموضوع