يعني ايه اللوزتين (اللوز )؟
هي انسجه ليمفاويه علي جانبي الحلق .
طب ايه أهميتها؟
أهميتها مناعيه في محاربه الالتهابات خاصه في أول ثلات سنين من العمر .
طب امتي لازم اشيل اللوزتين؟
لازم اشيل اللوز في حاله وجود تضخم يسبب اختناق و انسداد في مجري التنفس (بيتحدد بالأشعة ).
في حاله حدوث صديد او خراج في اللوز
في حالات انقطاع النفس أثناء النوم المصاحب لحالات الشخير .
طب امتي ممكن اشيل اللوز ؟
ممكن اشيل اللوز في حالات الالتهابات المتكرره (التهابات من خمس لسبع مرات في السنه لمده سنتين متتاليتين ).
شك في وجود ورم في اللوزتين .
وجود جسم غريب داخل اللوزتين .
جزء من عمليه اخري او تسهيل عمليه اخري.
في بعض حالات أمراض الدرن و الدفتيريا.
امتي بقي ممنوع نشيل اللوز ؟
في حالات الالتهاب الحاد الموجود حاليا .
مشاكل في السيوله موجوده لم يتم السيطره عليها .
مشكله في فقرات العنق .
لو في حاله وباء شلل الاطفال .
في حالات عدم السيطره علي أمراض عامه في الجسم و مزمنه زي الضغط ،السكر ،ازمه صدريه .
No comments:
Post a Comment
اكتب تعليق حول الموضوع