ازاي بيتكون شمع الاذن؟
شمع الاذن ده عباره عن مجموعه افرازات طبيعيه تفرزها غدد متخصصه موجوده في قناه الاذن الخارجيه .
ايه فايده الشمع ده ؟
شمع الاذن بيعمل وظيفه مضاده للبكتيريا ده بجانب انه بيعوق اي جسم غريب او تراب انه يدخل الاذن الوسطي او الداخليه .
امتي بيتجمع شمع الاذن ده ؟
شمع الاذن يبدأ يتجمع في حالات ان تكوينه زاد ،افراز الزيوت من الخلايا قل ، وجود شعر عالق ، زياده اماله الاذن الخارجيه (الطبيعي ان في نسبه ميل في الاذن الخارجيه )، في الجو الحار الجاف .
ازاي اتأكد أن في شمع تراكم شمع في الاذن ؟
ده بيبقي بالفحص الاكلينيكي بمنظار الاذن .
طب ايه اعراض تراكم شمع الاذن ؟
فقدان السمع من بسيط لمتوسط حسب حجم انسداد قناه الاذن الخارجيه ، هرش و شعور بعدم الراحه في الاذن ، ألم في الاذن اذا كان مصاحب لالتهاب بالاذن الخارجيه .
طب انا ازاي ممكن اساعد في تقليل تراكم الشمع ده ؟
في الطبيعي ان الشمع مش بيتراكم و ان الاذن بتنظف نفسها بنفسها في حاله ان شعرت تراكم شمع ممكن استخدام قطره من زيت الزيتون او زيت اللوز عده مرات في اليوم لمده اسبوع او اسبوعين .
طب عملت كدا و لسه في شعور بعدم الراحه و تراكم للشمع؟
كدا الشمع محتاج يتم ازالته تحت إشراف طبي بيبقي باعطاء قطره اذن لعده ايام الا ان يتم شفط هذا الشمع باداه مناسبه .
No comments:
Post a Comment
اكتب تعليق حول الموضوع