تضخم في الغدة، إزاي أعرف إذا كان ورم أو لأ؟
تضخم الغدة لعدة أسباب منها:
١. في سن البلوغ للفتيات يحدث تضخم في الغدة تبعاً لمتطلبات النمو.
٢ تضخم عنقودي وده شائع جداً وسببه تعرض الجسم لنوبات من الضغوط المتكررة التي تستدعي زيادة في التمثيل الغذائي ويصاحبها نقص اليود، وأشهرها الحمل المتكرر والدورة الشهرية.
٣ الأورام السرطانية بالغدة
وفي ال٣ حالات بتكون الغدة كبيرة ومتورمة، طيب إزاي نقدر نشخص الورم السرطاني عن غيره؟
أولاً: بالفحص الإكلينيكي: جراح الاورام هيقدر يفحص الغدة وبسهولة يستبعد النوع الأول من التضخم.
طيب إزاي نفرق بين التضخم العنقودي والأورام السرطانية؟
ببساطة التضخم العنقودي: بتكون الغدة كلها كتل صغيرة متجاورة شبه عنقود العنب وعلشان كده اتسمت غدة عنقودية.
لكن الورم السرطاني: بيكون كتلة واحدة متحجرة.
بس في حالة الغدة العنقودية ممكن يحصل ورم في واحدة من الكتل الكتير الموجودة وكمان الكتل السرطانية ممكن تكون متعددة! وفي الحالة دي لازم نبدأ الفحوصات وأهمها:
١. الأشعة التليفزيونية على الرقبة ودي حجر الأساس في التشخيص لأنها ممكن تقربنا جداً من التشخيص وبتدينا مواصفات دقيقة عن الغدة وهل الكتلة الموجودة لها مواصفات سرطانية ولا لا وكمان لازم تدينا سكور score لكل كتلة.
٢ كمان بالسونار (الأشعة التليفزيونية) هنشوف بدقة إذا كان فيه غدد ليمفاوية بالرقبة واللي بتظهر فقط في حالة الأورام السرطانية بالغدة.
٣. بالأشعة التليفزيونية هنقدر نطمن على حركة الأحبال الصوتية قبل وبعد الجراحة
٤. كمان العينة بالإبرة( الخذعة) لو تم أخذها تحت توجيه السونار هتكون النتيجه أدق.
Comments
Post a Comment
اكتب تعليق حول الموضوع