مريضة عمرها 47 سنة, جائت الى الطوارئ بعد تناولها 70 حبة من دواء Amlodipine بالاضافة لكمية غير معروفة من الكحول. المريضة جائت بعد ساعة من تناولها لل70 حبة. المريضة لديها امراض نفسية و تعاني من اضطراب ما بعد الصدمة (ptsd).

  ألمريضة وصلت على الساعة 2 ظهرا, العلامات الحيوية (vital signs) فور وصولها كانت كالتالي:

 النبض كان 113 (tachycardia)..

هبوط بالضغط (hypotension)..

لا يوجد حرارة (a-febrile)..

معدل التنفس طبيعي (normal RR)..

  هلا انت كطبيب لازم تتوقع شو تاثير هالدوا عالجسم و ما يغرك وضع المريضة حتى لو كان طبيعي لانو يمكن تتدهور حالتها باي وقت..فلازم تبلش شغلك..ف شو بتعمل؟..

  بالبداية بتأمن ِABC والي هم (Airway, Breathing, Ciriculation)..

  بالبداية بنعطيها (normal saline) و اعطيناها 3 لتر خلال مدة ساعة..

و بما انو المريضة لسا من شوي ماخدة هال70 حبة فبتتوقع انو الدواء لسا موجود بالجهاز الهضمي فبتحاول تمنع الدواء قبل ما يصير الو امتصاص و يوصل للدم..

  يعني بنعمل اشي اسمه (aDsorbtion)..و الي هو بيختلف عن الامتصاص (aBsorption).. حيث بالامتصاص المادة بتفوت داخل مادة تانية بينما بالادمصاص (aDsorption) المادة بيلتصق سطحها بسطح المادة التانية و بتمنع امتصاصها فعشان هيك بنعطي اشي اسمه االفحم المنشط (activated charcoal) والي وظيفته الادمصاص او منع امتصاص المادة الي تم تناولها ..

  طبعا لازم ينعطا الفحم المنشط باسرع وقت لنضمن انو المادة السامة لسا بالجهاز الهضمي و برضو لازم تكون مأمنين المجاري الهوائية (Airways) مسبقا وهالشي عملناه مسبقا لنضمن انو هالمادة ما رح تفوت على الرئة و تعمل التهاب او يصير استنشاق (aspiaration)..

  ما ننسا برضو انو الدوا الي تناولته المريضة هو بشتغل على قنوات الكالسيوم (calcium channels blocker).. عشان هيك بنعطي للمريض كالسيوم بالوريد (intra-venous Calcium) لنخلق تأثير كتلي أو Mass effect على هاي القنوات..(وبرضو ما ننسا دوره بزيادة انقباض القلب..)

  المريضة استمر ضغطها بالهبوط (hypotension), الدكتور حس انو المريضة عم تضيع من ايده  وقرر يجرب اعطاء دهون وريديا (IV lipid emulsion) و رح اختصرها ILE.. و مثل ما بنعرف انو دواء amlodipine هو دوا محب للدهون (lipophilic)..

 نظريا: انت بس تعطي ILE, وكأنك عم تخلق (Lipid Sink)..

يعني عم تخلي هالدوا يتجه من الانسجة باتجاه الدم و من ثم باتجاه هالlipid..

  المريضة بعد ادخالها لوحدة العناية المركزة (ICU), نزل ضغطها بشكل كبير (severe hypotension) و تم اعطاؤها vasopressors مثل (nor-epinephrine)..

  في معلومة لازم نعرفها انو افراز الأنسولين من خلايا بيتا بالبنكرياس بيحتاج لدخول الكالسيوم (calcium influx)..لكن بحالة المريضة الدوا ثبط الكالسيوم و بالتالي قلل كمية الانسولين بالدم (HYPO-Insulin-emia) و بالتالي بتقل كمية الجلوكوز الي رح تروح لخلايا القلب (myocytes) مما قد يؤثر على وظيفة القلب.. فأنا بعطي للمريض انسولين + جلوكوز + بوتاسيوم..ليش برأيكم؟

  لما نعطي المريض انسولين, رح يقوم الانسولين بادخال الجلوكوز الى الخلايا و بالتالي بيقل كميته بالدم و بصير عنا (hypo-glycemia) فلما بنعطي جلوكوز بنحافظ ع نسبته (eu-glycemia) وبنعطي بوتاسيوم لنفس السبب..عشان هيك اسم هالطريقة ( HYPER-Insulinemec EU-glycemia)..و هالطريقة لم يتم تجريبها بمريضتنا..

  هاي كانت اول مرة بيتم اعطاء ILE بحالة التسمم بدواء amlodidpine, حيث بالعادة بيستخدموا الطريقة السابقة..و المريضة عاشت الحمدلله