الكوكسيديا

ولان الوقايه خير من العلاج

ولان الطب البيطرى هو مهنه وقائيه فى الاساس

اليك طرق الوقايه من "الكوكسيديا"

_ تطهير العنابر بعد نهاية الدوره بأحد المطهرات القاتله للكوكسيديا وهي المستحضرات التي تحتوي علي كبرتيد الكربون ...او الفنيك بتركيز 5 % .

_ الفرشه ثم الفرشه لازم تحافظ عليها جافه على اد ماتقدروالجزء اللى يتبل

منك تبدله باستمرار .. كمان ممكن تضيف جير عشان يمتص الرطوبه

_ العلف طبيعى بيضاف ليه مضادات كوكسيديا , وممكن انت تضفله عند عمر

13 يوم لان الكوكسيديا عادة مابتظهرش الابعد عمر 12 يوم

_ ماتربيش اعمار مختلفه فنفس المزرعه

_ امنع الزحام في العنبر .

_حاول ان الفراخ ماتتعرضش لعوامل مجهده او مضعفه زى انخفاض درجه الحراره اوالتجويع ......الخ

بالنسبه للعلاج

فالكوكسيديا من اسهل الامراض اللى ممكن تتعالج بالرغم من خطورتهاوده

بيعتمد على سرعة التشخيص اللى بتعتمد فى الاساس على خبرةالمربى

واكثر الادويه فاعليه في علاج الكوكسيديا بجميع انواعها هي مركبات السلفا

زى (السلفا كيتوكسالين _ سلفا ديميدين )

احم احم

ويلاحظ عدم اعطاء السلفا طوال اليوم بصفه مستمره لان السلفا عقار سام ولها تاثير سئ خاصة علي الكلي ويكتفي بالعلاج 8 ساعات يوميا

ومن المشاركات اللى جاتلنا من د/ محمد عبد الرحمن 

_ طبعا فى التطهير يا سلام لو تم رش الارضيه بصودا كاوية تركيز 10%

_ و ننزل باستمرار جرعات وقائية ابتداء من عمر 15 يوم لمده 3 ايام كل عشرة ايام

_ومن مضادات الكوكسيديا "السلفا" بجميع انواعها و فى النوع ده بعد كورس العلاج لازم ننزل بغسيل كلوى يحتوى ع بو تاسيوم سيترات لان السلفا تقيله ع الكلى

و عندك برضه الامبروليم هيدروكلوريد لكنه لا يغطى كل انواع الايميريا فيفضل اننا نقويه بنوع من انواع السلفا و مش ننسى معاهم فيتامين ك عشان النزيف اللى حصل نتيجه الاصابه

_و من احدث و افضل انواع مضادات الكوكسيديا الحديثه و لا تسبب اجهاد للكلى مادتى "الدايكلازوريل و التولتازوريل "و مش ننسى ننزل معاهم فيتامين ك و لو تم تقويتهم بالامبروليم هيدروكلوريد هتكون النتيجه اكثر من السحر