11 أغذية تلحق بيهم سُكرك من البيت …

 

1-منقوع البامية : 

بتخفض السكر خصوصاً النوع التاني ، ممكن لما تجربها ماتعملش معاك حاجة وممكن تعمل ، ولو ماعملتش مش معناها إنها مالهاش لازمة ، بس عادي جسمك ماتقبلهاش وماجبش نتيجة عليها (وارد) ..

2-زيت بذر الكتان (الزيت الحار) : 

مقاومة الأنسولين ، ألتهاب الأعصاب الطرفي ، تنظيف الشرايين .. ماتقوليش أعمل الزيت دة في البيت إزاي عشان مش صح وماتجيش تبعتلي صورة من زيت العطار وتقولي هو دة هيعالجني ؟ ..

3-الشوكولاتة : 

بتمنع ضرر السكر الصناعي زي الفركتوز على الكبد وآمنه جداً .. الـ Dark / الخام / الغامقة / القواااالب ، اللي مافيهاش سكر ومش أقل من ٧٥٪؜ كاكاو ، ولا الكاكاو السايب من العطار مش بديل ..

4-الماء : 

بتقلل السكر التراكمي ، وتورم الرجلين ، وإحتباس الماء في الجسم .. لازم الماء مايفارقكش في كل حياتك ..

5-ملح البيكربونات : 

بيحافظ على صحة البنكرياس وبالتالي يقدر يساعدك في علاج السكري خصوصاً النوع الأول .. 

6-الزبادي : 

دواء وغذاء رقم واحد لمريض السكر ، طبعاً بنصحك بالزبادي اليوناني ، ودة في أي سوبر ماركت عادي ، بتوع الكيتو عارفينُه .. 

7-الترمس :

دة لمرضى السكر قبل ما يبقى للشخص الطبيعي أصلاً ، ومابيعملش لا إنتفاخ ولا بيأذي القولون ، عشان مابقولكش هات الحله كُلها كـ واجبة أكيد .. 

8-التمر :

ألتهاب الأعصاب المصاحب ليك ، حرقان وشد عضلي ورجل وارمة ومحمره .. مش معنى إنه تمر وفيه سكر تقول إني بقول أي كلام عشان علمياً وقبل علمياً الرسول موصينا بيه وبالأعداد اللي تفيد ماتضرش ، ماتجبليش العلبة تتسلى فيها طول النهار وتقولي ما أنت قولت التمر حلو .. 

9-التين المجفف:

بيظبط السكري ومقاومة الأنسولين ، مليان مواد فعالة هايلة وفيه أملاح ومعادن كويسة ، والسكر في الفواكه المجففة بيكون غير .. 

10-قشر البيض : 

الكالسيوم في العموم بيعالج الأعراض الجانبية اللي بتعملها أدوية السكر زي السيدوفاچ اللي بيمنع إمتصاص ڤيتامين B12 لجسمك ودة بيأذي الجهاز الهضمي ، وطبعاً قشر البيض يوفرلك دة .. 

11-المريمية : 

بيقلل مستويات السكر كويس جداً لدرجة إني مابنصحش بكترته مادام فيه أدوية عشان بيساعد السكر اللي بيضرب في العالي ينزل بسرعة الصاروخ .. 

معاكوا ١١ نصيحة .. ولكن نصيحتي الأهم والأقوى .. أتخلص من المرض دة خالص .. أعمل الحمية وخُد الأدوية الصح وكفاية التعب والخوف ونوبات السكر اللي مالهاش لازمة وشنطة الأدوية على قلبك وشكشكة الحقن كل شوية .. 

شير لحد بتحبه وعنده السكر وأنصحه زيي يتعالج ويهتم بالمرض دة كويس.