التقئ والاسهال لدى الأطفال:

,,,أكثر من نصف المرضى الذين نراهم في هذه الايام يعانون من التقئ او الاسهال اوكلاهما.

,,,,السبب : اكو فايروس اسمه فايروس الروتا 

(بالعربي الفيروس الدوار )كل سنه ينتشر بهاي الايام مع بدأ تغير الجو وزيادة برودته ،هذا الفايروس يستهدف المعدة والامعاء للأطفال ، وخاصة  من عمر أربعة اشهر الى عمر ثلاث سنوات ، ميزته انه يتواجد في البراز قبل ظهور الاعراض ، ويستمر وجوده بالبراز حتى بعد عشرة ايام بعد زوال المرض ،وينتقل الفيروس بسهولة من اليدين إلى الفم على مدار كل هاي  الفترة. 

,,,,,أشلون ينتقل :

عندما لا يحرص الشخص المصاب بالعدوى على غسل اليدين بعد لمس الإفرازات الحاملة للفيروس، فإنه ينقله إلى كل من يلمسه، ومن هنا، فإنه قد ينقل العَدْوى إلى كل شخص يلمس الأسطح التي لمسها.

,,,,,اعراضه:

طبعًا تختلف الاعراض من طفل الى آخر حسب شدة الاصابة وحسب مناعة الطفل.

ولكن على الاغلب يجي الطفل عنده تقئ وراها يصير عنده اسهال مائي او بعض الاحيان يجي بس إسهال .مع ارتفاع متفاوت بالحرارة والم بالبطن وفقدان الشهية وخمول او بكاء متواصل (حسب درجة الجفاف)

,,,,شنو خطورته:

تكمن خطورت فايروس الروتا بشدته ، حيث من الممكن بوقت قصير ان يصاب الطفل الرضيع بالجفاف الشديد مما يسبب خطورة على صحة الطفل.

,,,,,شنسوي اذا صار تقئ او اسهال:

اهم شي تبلشون بمحلول الارواء الفموي خاصة اذا كان عنده بس اسهال اما اعطاء المحاليل الوريدية (كميتها ونوعها ووقتها) يكون تحديدها من قبل الطبيب المختص ،حسب درجة الجفاف وشدة الاصابة .بالاضافة الى البروبايتكس والزنك وخافضات الحرارة.

,,,,زين دكتور شو ما ذكرت ال فلاجيل والمضادات الحيوية بالعلاج.

الفلاجيل (المقدس )يقضي على الطفيلي وهذا فايروس يعني ما يشتغل عليه ،بالعكس راح يزيد من التقئ والاسهال ،ناهيك عن طعمه المر الي يخلي الطفل لا ياكل ولا يشرب.

اما المضادات الحيوية الأخرى هي ايظا لا تفيد ، لأنها تعمل على الجراثيم وليس الفايروسات .

,,,,شنعطي اكل أثناء الإسهال :

السوائل مهمة مثل الشوربة والسوب والحليب والبطاطة( السلگ )والزبادي (قليلة الدسم )والموز والتفاح (بدون گشر ).

,,,,شنو الممنوع.

السكريات والحلويات والمشروبات الغازية والأكلات الدسمة.

,,,,الوقاية:

غسل اليدين (الام والطفل ) بشكل جيد بالماء والصابون لفترة لا تقل عن ٣٠ ثانية مع الالتزام بجدول اللقاحات.