طفلي على طول يحك ويجر بأذانه ياترى من التهاب الأذن ، لو من أسنانه :

,,,,,أشلون نگدر أنفرق بين الحالتين لأن أثنيهنم يسون ألم بالأذن ويخلن الطفل يتنحس ويجر بأذانه

,,راح اوضحلكم/

من عمر ثلاث شهور تقريبا تبدي الاسنان  تنمو داخل اللثة ، وهنا يبدي لعاب الفم يزداد وكذلك يبدي الطفل يحك بأذانه ، ليش لان نفس العصب الي يغذي الاذن يغذي الاسنان ، فيصير ألم ينتقل من الاسنان  الى الاذن يسمى (الألم المنتقل ) ، ويبقى الطفل يحك بأذانه بين فترة واخرى الى ان تكتمل اسنانه بعمر السنتين تقريبا .

,,,,,,,هواية يجوني اطفال تعاني امهاتهم من التهاب مزمن بالاذن ، وعند الفحص وجمع المعلومات يتبين انه ما عنده التهاب ، والالم ناتج عن التسنين .(والمسكين بالشين بي دگ مضادات حيوية وابر وهو كلشي ما بي ).

,,,,,,,بزوغ الاسنان ممكن أن يسبب عادة ألم خفيف بالاذن (دون التهاب فيها ) ، وصخونة خفيفة ، وشوية نحاسية ، بس هذا الشي ما يتعارض مع فعالياته اليومية ، يعني الطفل عادي يرضع وينام .

,,,,,,الألم الناجم عن التهاب الاذن وخاصة الاذن الوسطى ، تكون الاعراض بي اشد بحيث  الطفل يتنحس وبس يبچي ويسخن وما ينام وتقل رضاعته وبعض الاحيان يتقئ ،( يعني الطفل مريض من صدگ).

,,,,,,,,التشخيص يحتاج فحص الأذن بجهاز فحص الأذن .

,,,,,,,,طبعا التهاب الاذن الوسطى يزداد كلما ترضع الام الطفل وهو مستلقي ، وخاصة اذا كان الحليب صناعي ، وان شاء انزلكم منشور خاص عن التهاب الاذن الوسطى عند الاطفال وخاصة الرضع منهم.