,أربعة فايروسات منتشرة بصورة غير طبيعية بين الأطفال هذه ألأيام:

,,الأول: فايروس المخلاوي التنفسي RSV .

تبدأ أعراض ألأصابة بهذا الفايروس ب نشلة خفيفة وگحة بسيطة وارتفاع خفيف بالحرارة  بعدها بيومين أو ثلاثة تبدي الگحة ازيد تدريجياً والطفل يصير نحس وبس يبچي وتقل رضاعته ونومته ويتسارع ويضيف نفسه ويريد يتنفس ما يگدر  ، تزداد هاي الاعراض باليل، وتختلف هاي الاعراض بالشدة  من طفل لآخر ،وكل ما قل العمر  زادت الاعراض( خاصة الأطفال تحت ال ٦ أشهر)، واذا كان اكو تحسس عند الطفل ألأعراض راح أتكون أشد.

,,,,,الثاني:  فايروس الدوار Rota Virus 

تؤدي الإصابة بهذا الفايروس الى تقئ مستمر واسهال مائي وبعض الأحيان ارتفاع بدرجة الحرارة ومغص وفقدان الشهية وايظا يستهدف الأطفال الرضع تحت السنتين من العمر .مسؤول عن معظم حالات الاسهال والتقئ هذه ألأيام.

,,,,,,,,الثالث فايروس الإنفلونزا : يصيب الأطفال في عمر الروضات والمدارس وما اعتقد اكو طفل هاي السنة نجى من هذا الفايروس وخاصة طلاب المدارس وحتى الكبار لم يفلتوا منه ويؤدي الى ارتفاع حاد في درجات الحرارة وسعال جاف ونحول وخمول والام المفاصل وفقدان الشهية واحتقان البلاعيم.

,,,,,,الرابع : الفايروس الغدي أو ما يسمى ب أدينو  فايروس Adeno Virus .

ويصيب الاطفال خاصة فوق عمر ٣سنوات ويؤدي الى ألتهاب ملتحمة العين (تجذي العينين ) ، وارتفاع درجة الحرارة واحتقان البلعوم وسعال جاف. وممكن ان يصاب المريض بأسهال حاد ، (يعني يجي الطفل يگح وعنده أسهال في نفس الوقت).

,,,,,,هذه الفايروسات مسؤولة عن أكثر من ٩٠٪؜ من أمراض الأطفال هذه الأيام والجميل بالأمر ان هذه الامراض وان تطول اعراضها الا ان جميع المصابين يتماثلون للشفاء بأذن الله