أنتشار الإنفلونزا بين الاطفال بصورة كبيرة وواسعة وخصوصًا بين الاطفال الي يداومون بالروضة وبالابتدائية.

,

,,,الإنفلونزا .. التهاب فايروس يصيب الجهاز التنفسي. يصاب به معظم الإعمار بس الأطفال أكثر عرضه للإصابة لان مناعتهم قليلة.طبعاً اكو فرق  بين الإنفلونزا والزكام  ،لان الفايروس يختلف ، والإنفلونزا تكون أكثر شدة من الزكام بس الاعراض شوية  تتشابه . 

,,,,,,الأعراض والعلامات.

,, سيلان الأنف.(الخشم بس يجري) 

,,, السعال.(گحة قوية)

,,, ارتفاع درجات الحرارة(صخونة عالية)

,, الصداع.

,,, الإرهاق والضعف العام.

,,, فقدان الشهية.

,,, آلام العضلات.

,, الغثيان والتقيؤ.

,,,,,,هاي الاعراض أكثرها تختفي خلال اسبوع ،بس الكحة والرشح ممكن ايطولن أكثر من اسبوع فلا داعي للقلق.

,,,,,يعني دكتور الانفلونزا اسوي كحة وصخونة؟

اي امي اسوي وشوية اصبري عليهن.

,,,,,الوقاية

,,,,,,,اكو لقاح ضد الانفلونزا يتوفر عند المراكز الصحية في العراق كل سنة انصح بأخذه للاطفال فوق ال ستة أشهر فما فوق ، هذا اللقاح يحمي الطفل من الإصابة بالانفلونزا وحتى إذا انصاب راح اتكون إصابته خفيفة.(هاي السنة لحد الان ما توفر بالمراكز الصحية تأخر )

,,,,,,ابنك او بنتك اذا صار بي انفلاونزا لا دزوا للمدرسة او الروضة الى ان يصير زين حتى لا يعدي جماعته.

,,,,,,إرتداء الكمامات وتعقيم اليدين من قبل الطلاب خير وسيلة للوقاية من الإنفلونزا.

,,,,,,العلاج

الانفلونزا مرض فايروسي يأخذ دورته ويروح اله والحالة ، مناعة الجسم كفيلة بالقضاء عليه ،يعني ماكو داعي انطي مضادات حيوية الي هي تشتغل على البكتيريا فقط ما تشتغل على الفايروس وهذا الشي ايزيد من مقاومة الجراثيم للمضاد الحيوي مستقبلا، ناهيك عن التأثيرات الجانبية للعلاج،الا اذا كانت مصاحبة بالتهاب جرثومي ثانوي وهذا الشي يحدده الطبيب.

,,,,,,,,,كل الي يحتاجه انطي بعض المسكنات للآم العضلات وارتفاع درجات الحرارة،مثل الباراسيتامول والأيبوبروفين.

 واكثرله السوائل الدافئة مثل الشوربة والسوب والحليب،

وانطي ملعقة طعام من العسل واخلطها بقدح من  الليمون الدافئ ،ولا تنسون البرتقال،والكيوي لاحتوائهم على فيتامين سي ،والموز لان بي مغنسيوم.واكوا شراب zinc and vit. C هذا كلش ايفيد لأن اثنيهن ايقون مناعة الطفل.

,,,,اهم الملاحظات الي اريد اركز عليها هي..

,,,,الانفلونزا مرض يختلف عن الزكام بس يشابهون بالاعراض

,,,,,الانفلونزا اسوي ارتفاع بالحرارة واطول لربما خمسة أيام.

,,,,الانفلونزا اسوي كحة عند الطفل ربما اطول اسبوعين.

,,,,,الانفلونزا لا تحتاج إلى مضاد حيوي وشرابات خبط وابر خبط. 

,,,,الانفلونزا تحتاج صبر اشوية واتروح الحالها وطفلك يصير زين باذن الله.

,,,,,التأكيد على ارتداء الكمامات من قبل الطلاب وعدم ارسال المصابين منهم الى المدرسة.