اشهر سؤال ممكن تتساله 

الدواء دا هوقفه مره واحده ولا واحده واحده  

او نقدر نقول انها الادويه الي محتاجه tapering 

ايه لادويه دي ؟ 

اولا مضادات الاكتئاب :-

امتي نعمل تقلليل للجرعه واحده واحده وامتي اوقفه مره واحده ؟

اولا لو المريض مشي علي الاقل 8 اسابيع علي دواء مضاد الاكتئاب دا  ساعتها ما توقفهوش مره واحده 

لكن لازم يقف علي مدار اربع اسابيع  وكمان لو مشي اكثر من 8 اسابيع اكيد هعمل معاه الموضوع دا 

اما و قبل ال8 اسابيع يبقي ممكن يوقفه عادي 

طيب لو بعد ال8 اسابيع ووقفته ايه الي هيحصل يعني ؟

هيحصل ارق  يعني قله نوم ونرفزه شويه نتيجه قله النوم ومشاكل في الاحساس sensation disturbance  الكلام دا هيظهر من اول اسبوع بعد ما توقف مش شرط اول يوم  ثم يستمر ثلاث اسابيع الي احنا قولنا فيهم  اننا نقلل الجرعه  علي مدارهم 

طيب هعمل اذاي تقليل للجرعه 

اقولك كل اسبوع هتقلل الجرعه بنسبه 25% 

طبعا دي اعراض انسحاب بسيطه ومحدش بيهتم  بتقليل الجرعه بيوقفوه فورا ولو اشتكي من ارق شديد بيريحو دماغهم ويدو منوم 

 استثناء

 فيه بقي استثناء Fluoxetine

ودا مش محتاج تابرنج للجرعه  انت ممكن توقفه علي طول لان بيفضل هو فتره كبيره في الدم وكمان ومشاكل الانسحاب قد لا تكون موجوده بالنسبه ليه 

ثانيا مضادات الذهان "Antipsychotics " :-

زي الكلوزابين والhalopredol  والادويه الي بتعالج الفصام ونوع خاص من الاكتئاب الثنائي القطبين 

دي لازم تقلل الجرعه خلال اسبوعين ومش شرط المده الي مشي عليها 

ثانيا ملهاش طريقه محدده تقللل بيها يعني ممكن تخلي اسبوع الجرعه يوم بعد يوم واسبوع اخر الجرعهكل ثلاث ايام وبالتالي انتهي الاسبوعين ويوقفها عادي

طيب ايه ارعاض الانسحاب :

مشاكل في التنفس اعراض زي نزله البرد flu like symptoms  وكمان تعرق غزير وافرازات لعاب عاليه وتخدير في االايد يعني حاسس ان ايده منمله كدا

ودوخه وقلقل ومفيش اتزان في الحركه 

دي كها اعراض ممكن تظهر  علي المريض

 ملحوظه

ممكن بعض الاطباء بيوقفو الدواء مباشره ولو ظهرت اي اعراض بيتعامل معاها 

يعني لو فيه ارق  ياخد منوم او مضادات هيستامين الجيل الاول 

ولو الموضوع شديد ممكن يستخدم الديباكين valproic acid 

علي حسب الاعاض يعني الي ظهرت بيتم معالجتها 

ثالثا المنومات الـ benzodiazepines  طبعا عائله الباربتيوريت التانيه ملهاش مشاكل لما توقف مره واحده 

العيله دي بنعملها تابرنج بطريقه :

تنقص الجرعه بنسبه 25% اول اسبوعين 

وبعد كدا كل اسبوع بنسبه 10% لحد ما تخلص علي الجرعات 

فيه بقي استثناءات :-

alprazolam :-

دا تاثيره قصير ف لو عاوز تقلل الجرعه 

فمتقلل الجرعه يوميا بمقدار 0.5مجم كل ثلاث ايام 

يعني لو بياخد 5مجم يبقي كل ثلاث ايام تقلل 0.5مجم نصف مللليجرام 

دا في حاله لو المريض بياخد المنوم دا لفتره تتخطي الثلاث شهور  وبجرعه تفوق ال4 مجم يوميا 

ساعتها يبقي تعمل التابرنج دا 

ثاني استثناء 

diazepam :-

ودا ممكن تشميه بطريقتين 

اما الطريقه العامه بتاعت العيله كلها 

تقلل اول اسبوعين بنسبه 25% لمده اسبوعين 

وبعد كدا كل اسبوع تقلل ال10%

او

ممكن تقلل في اول اسبوعين الجرعه بنسه 50% 

وبعد كدا بردو تشتغل 10% اسبوعيا 

اعراض الانسحاب ايه ؟؟

هلاوس واضطرابات في النوم  ولغبطه في ضربات القلب بتزيد وصرع احيانا  وترجيع وملحقاته 

اعراض الانسحاب دي تظهر امتي ؟؟

 > لو تم الاستخدام اكثر من سنه بالجرعه الموصي بها لو بسيطه 

 > او لو تم الاستخدام ثلاث شهور بالجرعه الكبيره للحالات الخاصه 

غير كدا افصل واعمل مونيتور للاعراض وتعامل معاها 

احنا بقينا ف المجموعه الكام 😃

اتكلمنا عن مضادات الاكتئاب ومضادات الذهان المنومات طيب نشوف بقي 

دواء الضغط 

beta blockers :-

لو في حاله انك هتوقفها والمريض مش هيستخدم ادويه ضغط يبقي  توقفها بالتابرنج 

علشان ممكن تعل الضغط تاني  وتعمل مشاكل في القلب 

اما لو هتوقفها وفيه ادويه تانيه هتاخدها مكانها لعلاج القلب او الضغط فلا مانع انك توقفها مع الاعتبار ان لازم حاجه مكانها تقلل معدل ضربات القلب زي ال CCCBS 

المهم يا سيدي اشهر اثنين لازم يتعملهم التابرنج دا 

atenool metoprolol 

والتابرنج بتاعهم ملهوش التزامات معينه بيتم خلال عشره ايام وخلاص 

دا في حاله الناس الي مشيو علي الادويه دي فتهر مثلا لاي غرض تاني غير الضغط بردو يتعملهم الموضوع دا علشان ممكن لو وقفوه مره واحده يجيلهم الضغط 

وبردو فيه دواء بيشتغلي علي الالفا clinidine  دا بردو بيحتاج للتابرنج لكن مش ضروري اوي يعني ولكن يؤخذ تحت الاعتبار بردو