ازاي اهتم باسناني كويس واحافظ عليها ؟
ازاي اهتم باسناني كويس واحافظ عليها ؟
لازم تغسل اسنانك بالفرشاه والمعجون اول ما تقوم من النوم مباشرة لان فترة النوم بتكون طويله وبالتالي ده بيسمح للبكتريا انها تنشط وتتكاثر بشكل اكبر وبالتالي الفم هيكون فيه اعداد كتير من البكتريا لذلك مهم جدا جدا تغسل اسنانك قبل الفطار عشان تتخلص من البكتريا والميكروبات والأكل يدخل معدتك نضيف وتقدر تتجنب اي مشاكل ممكن تأثر علي معدتك او علي اسنانك لا قدر الله ..
حاول ما تاكلش وتنام على طول قبل ما تغسل اسنانك لان فترة النوم بتكون طويله واي بقايا اكل بتساعد علي نشاط البكتريا بشكل اكبر وبالتالي اسنانك هتتعرض للبكتريا لمدة اطول طول فترة النوم وبالتالي اسنانك هتتضرر بشكل اكبر ..
انسب وافضل وقت ممكن تغسل فيه اسنانك هو بعد الأكل بنص ساعه عشان الوقت ده بيكون خلاص اتكون طبقه رقيقه علي الاسنان فيها بقايا اكل وبكتريا لو اتسابت هتضر اسنانك وهتساعد علي تكوين الجير اللي ممكن يضر اللثه بعد كده عشان كده ضروري ومهم جدا تغسل اسنانك بعد كل وجبه ..
غسيل الاسنان يكون كويس بالفرشاه والمعجون تستخدم نوع معجون كويس فيه فلورايد وتاخد وقتك في تنظيفها من دقيقتين ل4 دقايق ويكون 3 مرات فاليوم بعد كل وجبه وبحد ادنى مرتين فاليوم للناس الي بتاكل وجبتين بس يوميا ..
عندك نوع مضمضه " غسول فموي " فعال جدا هيقضي عالبكتيريا الي في بقك ويضيع الريحه "Be frish "
الغسول ده تتمضمض بيه بعد كل مره غسيل اسنان ولمدة دقيقه واحده وبحد ادنى مره واحده فاليوم .
Comments
Post a Comment
اكتب تعليق حول الموضوع