الباراسيتامول

  الباراسيتامول paracetamol  

متل مامنعرف أنو الباراسيتامول يستخدم كمسكن ألم وخافض للحرارة ويعتبر دواء أمن بجرعته العلاجية ولكن هذا لايعني أنه لا يسبب سمية في حال اخدناه بشكل عشوائي 

طيب أنا كم حبة ممكن أخد باليوم؟!

ممكن ناخد حبة 500mg  كل 4-6 ساعات

وفي حال كان الألم كبير  

ممكن ناخد حبتين 500mg كل 4-6 ساعات 

مع الانتباه لعدم تجاوز ال 8 حبات باليوم عيار 500mg 

يعني الحد الأقصى من الجرعة المسموحة هيي 4g في اليوم

طيب في حال نحنا ماالتزمنا بهاد الشي  

وصار عنا تسمم بالباراسيتامول   (مع العلم انو هيي حالة نادرة مامنشوفا غير بحالات محاولة الانتحار او تداخلات دوائية)

تعالو نعرف سوا شو هيي أعراض هالتسمم  

أعراض التسمم بالباراسيتامول تقسم لأربع مراحل:

1  المرحلة الأولى تكون من 4-24 ساعة بعد تناول الدواء وأعراضها عامة (غثيان، إقياء، فقدان شهية، شحوب، اضطرابات نظم القلب، ارتفاع بسيط في الإنزيمات الكبدية (ALT-AST-GPT-GOT) )

2  المرحلة_الثانية تكون بعد 24-72 ساعة من تناول الدواء وبهي المرحلة تبدأ الأعراض السريرية بالظهور (خلل بعمل الكلية، اضطراب على مستوى الكبد، ارتفاع البيلروبين، ارتفاع زمن التخثر PT )

3  المرحلة الثالثة تكون بعد 72-96 ساعة بعد أخذ الدواء وأعراضها (اعتلالات دماغية، تصبح الاصابة الكبدية واضحة تمامآ حيث نلاحظ بداية تنخر كبدي، يرقان، وتعود الأعراض الأولية بالظهور، ويمكن أن يدخل بحالة غيبوبة حسب الحالة)

في هذه المرحلة يصل الجسم الى حالة انهيار وإذا لم تتم المعالجة يمكن الوصول إلى حالة فشل كلوي أو انهيار الكبد كليآ مع ارتفاع نسبة الأنزيمات الكبدية AST-ALT

4  المرحلة الرابعة تكون بين 4-14 يوم بعد تناول الدواء اذا لم يتم التدخل بسرعة يمكن الوصول إلى الوفاة  

في حال تمت المعالجة يمكن التخلص من كل الأعراض السابقة باستثناء الأعضاء التي تخربت (كالكبد)

وأخيرآ لازم نعرف   أنو مركب N أسيتيل سيستئين  يستخدم كترياق في حالة التسمم

وهيك منكون عرفنا شو الأعراض يلي ممكن تصيبنا بحالة التسمم 

لهيك أصدقائي قد ماكان الدواء أمن لازم ناخدو بحذر وبدون إفراط